قازاقستان حالقىنىڭ سانى 18,29 ميلليون ادامعا جەتتى

استانا. قازاقپارات - قازاقستاندا حالىق سانى 2018 -جىلدىڭ 1 - تامىزىندا 18 ميلليون 292,7 مىڭ ادامعا جەتتى. بۇل 2017 -جىلدىڭ 1 - تامىزىنداعى كورسەتكىشتەن 238,7 مىڭ ادامعا نەمەسە 1,3 پايىزعا ارتىق، دەپ حابارلايدى قازاقپارات ق ر ۇ ە م ستاتيستيكا كوميتەتىنە سىلتەمە جاساپ.

اتاپ ايتقاندا، ەسەپتىك كەزەڭدە قالا تۇرعىندارىنىڭ سانى 10 ميلليون 544,3 مىڭ ادام نەمەسە 57,6 پروتسەنت، ال اۋىل حالقىنىڭ سانى 7 ميلليون 748,4 مىڭ ادام نەمەسە 42,4 پروتسەنت.

 رەسپۋبليكا حالقىنىڭ تابيعي ءوسىمى ەسەپتىك كەزەڭدە 4,4 مىڭ ادامعا (3,1 پايىز) ءوسىپ، 150 مىڭ ادامدى قۇراعان.

قاراستىرىلىپ وتىرعان كەزەڭدە 78 مىڭ ادام قايتىس بولعان، بىلتىرعىدان % 1 ارتىق.

كوشى- قون ورگاندارىنىڭ ۇسىنعان اقپاراتى بويىنشا، 2018 -جىلدىڭ قاڭتار- شىلدە ارالىعىندا ەلىمىزگە كەلىپ تىركەلگەندەر سانى 2017 -جىلعى كورسەتكىشتەن % 24,8 ازايىپ، 7306 ادام بولعان. ەلىمىزدەن كەتىپ جاتقان ميگرانتتار سانى % 12,8 ارتىپ،  21894 ادامدى قۇراعان. نەگىزگى ميگراتسيالىق الماسۋ ت م د ەلدەرىمەن ءجۇرىپ جاتىر.