+7 (701) 759 90 19
-24 °С : نۇر-سۇلتان
-4 °С : الماتى
USD 388.07 EUR 427.54
RUB 6.08 CNY 55.36
جاڭالىقتار

قازاقستاندا 18 جىلدا ماشينا جاساۋ ءوندىرىسى 24 ەسە ءوستى

12 قىركۇيەك 14:55
:ءبولىسۋ
قازاقستاندا 18 جىلدا ماشينا جاساۋ ءوندىرىسى 24 ەسە ءوستى

نۇر-سۇلتان. قازاقپارات - 18 جىلدا ەلدەگى ماشينا جاساۋ سالاسىنىڭ ءوندىرىس كولەمى 24 ەسە وسكەن.

بۇل تۋرالى ماشينا جاساۋشىلارىنىڭ VII فورۋمىندا قازاقستان ماشينا جاساۋشىلار وداعىنىڭ باسقارما ءتوراعاسى مەيرام پىشەمبايەۆ ايتتى.

«وسىدان 10 جىل بۇرىن وتاندىق اۆتوكولىكتەر مەن پويىزداردا جۇرەمىز، وتاندىق تەحنيكامەن استىق ەگىپ، ورامىز، پايدالى قازبالار مەن مۇنايدى وتاندىق قوندىرعىلارمەن وندىرەمىز دەپ ارمانداي دا المايتىن ەدىك. 10-15 جىلدىڭ ىشىندە وتاندىق ماشيناجاساۋ سالاسى قۇراندى قوسىمشا بولشەك شىعارۋ دەڭگەيىنەن تۇتاس تەحنيكا وندىرەتىن دەڭگەيگە شىقتى. تەپلوۆوزدار مەن ەلەكتروۆوزدار، جولاۋشى جانە جۇك ۆاگوندارى، جەڭىل جانە جۇك كولىكتەر، اۆتوبۋستار مەن كومبايندار، سورعىلار مەن جەدەلساتى سياقتى جوعارى تەحنولوگيالىق ونىمدەر قازىر وزىمىزدە شىعىپ جاتىر. 2000-جىلدان بەرى سالادا ۇلكەن سەرپىلىس بولىپ، ءوندىرىس كولەمى 46 ميلليارد تەڭگەدەن 1,1 تريلليون تەڭگەگە ءوستى. وسىلايشا 18 جىلدىڭ ىشىندە 24 ەسە ءوسىم تىركەلدى»، - دەدى مەيرام پىشەمبايەۆ.

ەسكە سالساق، نۇر-سۇلتاندا قازاقستان ماشينا جاساۋشىلارىنىڭ VII فورۋمى ءوتىپ جاتىر. فورۋمدى ق ر يندۋستريا جانە ينفراقۇرىلىمدىق دامۋ مينيسترلىگى مەن قازاقستان ماشينا جاساۋشىلار وداعى، «سامۇرىق-قازىنا» ۇ ءا ق» ا ق ۇيىمداستىرعان. بيىل فورۋم «ماشينا جاساۋ - قازاقستاندى يندۋستريالاندىرۋ درايۆەرى» ۇرانىمەن وتەدى.

جىل سايىن فورۋمعا گەرمانيا، ا ق ش، جاپونيا، يتاليا، چەحيا، رەسەي، قىتاي سەكىلدى ءىرى 20 مەملەكەتتىڭ دەلەگاتتارى قاتىسادى. وسىلايشا، وتاندىق كاسىپورىندار ەلدەن شىقپاي-اق شەتەلدىك ارىپتەستەرىمەن كەزدەسۋ وتكىزۋگە مۇمكىندىك الادى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات