+7 (701) 759 90 19
19 °С : نۇر-سۇلتان
27 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

تالدىقورعاندا 18 ۇرلىققا قاتىسى بار دەگەن كۇدىكپەن 21 جاستاعى تۇرعىن ۇستالدى

15 اقپان 11:18
:ءبولىسۋ
تالدىقورعاندا 18 ۇرلىققا قاتىسى بار دەگەن كۇدىكپەن 21 جاستاعى تۇرعىن ۇستالدى

تالدىقورعان. قازاقپارات - تالدىقورعاندا پوليتسەيلەر جەكە ۇيلەردەن وزگەنىڭ مۇلكىن ۇرلاۋدى كاسىپ قىلعان كۇدىكتىنى قولعا ءتۇسىردى، - دەپ حابارلايدى قازاقپارات ءتىلشىسى.

الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، 2019 -جىلعى قازان ايىنان باستاپ وبلىس ورتالىعى مەن جاقىن ورنالاسقان ەلدى مەكەندەردە جەكە سەكتورداعى ءبىرقاتار ۇرلىق دەرەگى تىركەلگەن. قىلمىس جاساۋ ءتاسىلى مەن وقيعا ورنىنان ورتاق بەلگىلەردىڭ بار ەكەنى انىقتالىپ، ءبىر ادام جاساۋى مۇمكىن دەگەن بولجام قاراستىرىلدى.

جەدەل-ىزدەستىرۋ ءىس-شارالارىن جۇرگىزگەن قالالىق پوليتسيانىڭ باتىس بولىمشەسىنىڭ جەدەل ۋاكىلدەرى 21 جاستاعى جەرگىلىكتى تۇرعىندى ۇرلىقتىڭ 18 دەرەگىنە قاتىسى بار دەگەن كۇدىكپەن ۇستادى. تىركەلگەن بارلىق ۇرلىق دەرەكتەرى ءۇي يەلەرى بولماعان كەزدە، ياعني كۇندىزگى ۋاقىتتا پلاستيكالىق تەرەزەلەردى بۇزۋ ادىسىمەن جاسالعان. كۇدىكتى زەرگەرلىك بۇيىمداردى، اقشا، تەلەديدارلار، نوۋتبۋكتەر، تەلەفوندار، ساعاتتار جانە باسقا دا باعالى مۇلىكتەردى ۇرلاعان. قازىرگى تاڭدا جابىرلەنۋشىلەرگە كەلتىرىلگەن ماتەريالدىق شىعىن مولشەرى 3 ميلليون 700 مىڭ تەڭگەنى قۇرايدى.

«كۇدىكتى ۋاقىتشا ۇستاۋ يزولياتورىنا قاماۋعا الىندى. قازىرگى ۋاقىتتا ق ر قىلمىستىق كودەكسىنىڭ 188-بابىنا سايكەس، سوتقا دەيىنگى تەرگەۋ امالدارى جۇرگىزىلۋدە. سونىمەن قاتار ۇستالعان ازاماتتىڭ وسىعان ۇقساس وزگە دە قىلمىستارعا قاتىستىلىعى تەكسەرىلەدى»، - دەپ مالىمدەدى الماتى وبلىسى پ د باسپا ءسوز قىزمەتى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات