تەحاستا 18 جاستاعى جىگىت مەكتەپتە 14 وقۋشى مەن ءبىر مۇعالىمدى اتىپ ءولتىردى
گۋبەرناتوردىڭ مالىمەتىنشە، وق اتقان 18 جاستاعى جەرگىلىكتى تۇرعىن - سالۆادور روماس. كۇدىكتى وقيعا ورنىنا كەلگەن ءتارتىپ ساقشىلارىمەن اتىس كەزىندە قازا بولدى.
«ول 14 وقۋشىنى جەر جاستاندىردى، تاعى ءبىر مۇعالىمدى ءولتىردى» دەپ مالىمدەدى گرەگ ەببوتت. جەرگىلىكتى ب ا ق كەلتىرگەن دەرەككە ساي، اتىس تەحاس ۋاقىتى بويىنشا 12:00-دە (نۇر- سۇلتان قالاسىنىڭ ۋاقىتىمەن 23:00) باستالعان. ارادا ءبىر ساعات وتكەن سوڭ پوليتسيا اتىس شىعارعان قاسكويدىڭ كوزىن جويعانىن مالىمدەگەن.
بۇعان دەيىن ABC تەلەارناسى دارىگەرلەردىڭ اراسىنداعى دەرەككوزگە سىلتەمە جاساي وتىرىپ، جارالانعان 13 وقۋشىعا مەديتسينالىق كومەك كورسەتىلىپ جاتقانىن، ونىڭ ەكەۋى سان- انتونيو قالاسىنداعى اۋرۋحاناعا جونەلتىلگەنىن حابارلاعان. ودان بولەك، 45 جاستاعى تاعى ءبىر ەرەسەك ادامعا وق ءتيىپ، جارالانعانىن جاريالادى. سالۆادور روماس نە سەبەپتى مۇنداي قىلمىسقا بارعانى ازىرشە بەلگىسىز.
اۆتور: ەربول جانات