تۇركياداعى سەل تاسقىنىنان قازا تاپقاندار سانى 17 ادامعا جەتتى

انكارا. انادولى - قازاقپارات - تۇركيانىڭ وڭتۇستىك-شىعىسىندا شانلىۋرفا پروۆينتسياسىندا سەل تاسقىنىمەن اعىپ كەتكەن 20 جاستاعى ەمين ەرگيۋندى ىزدەۋ جۇمىستارى جالعاسىپ جاتىر. بۇل تۋرالى قازاقپارات انادولى اگەنتتىگىنە سىلتەمە جاساپ.

ىزدەۋ-قۇتقارۋ وپەراتسياسىنا ءجۇز ادامداي تارتىلدى. ەرگيۋن تىزگىندەگەن جۇك كولىگى 15- ناۋرىزدا تاسقىنمەن اعىپ كەتكەن. قۇتقارۋشىلار اعىن جۇك كولىگىن اتاتۇرك اتىنداعى سۋ قويماسىنا دەيىن اكەتۋى مۇمكىن دەپ وتىر. وپەراتسياعا سۇڭگۋىرلەر تارتىلىپ، دروندار پايدالانۋدا. ەرگيۋننىڭ تۋىستارى مەن جاقىندارى ونىڭ امان تابىلاتىنىنا ۇمىتتەنىپ وتىر.

سوڭعى دەرەك بويىنشا، شانلىۋرفا جانە ادىياما پروۆينتسيالارىنداعى سەل تاسقىنىنان قازا تاپقاندار سانى 17 ادامعا جەتكەن.

بۇعان دەيىن حابارلانعانداي تۇركيانىڭ وڭتۇستىك-شىعىسىنداعى ەكى پروۆينتسياسىندا قاتتى جاڭبىر جاۋىپ، سەل تاسقىنى ءجۇردى، سالدارىنان 14 ادام كوز جۇمدى.