22:53, 03 - اقپان 2023 | GMT +6
جەتىسۋ وبلىسىنداعى 17 سوت عيماراتىنان قىزمەتكەرلەر شۇعىل ەۆاكۋاتسيالاندى
تالدىقورعان. قازاقپارات - جەتىسۋ وبلىسىنداعى 17 سوت عيماراتىنان قىزمەتكەرلەر بومبا تۋرالى اقپاراتتان كەيىن قاۋىپسىز جەرگە شىعارىلدى، دەپ حابارلايدى قازاقپارات ءتىلشىسى.
«ءسىزدىڭ عيماراتىڭىزعا بومبا قويىلدى» دەگەن حابارلاما ەلەكتروندى پوشتاعا كەلدى. ياعني، ونداي حابارلاما الاكول، كەربۇلاق، تالدىقورعان، كوكسۋ سىندى بارلىق جەرگە جىبەرىلگەن. تەك، ءبىر ەكى سوت مەكەمەسىنە عانا كەلمەگەن. قازىر بارلىق سوت پروتسەسى توقتاپ، قىزمەتكەرلەر ەۆاكۋاتسيالانىپ، مەكەمەلەردى تەكسەرۋ جۇمىستارى جۇرگىزىلۋدە»، - دەدى جەتىسۋ وبلىستىق سوتىنىڭ باسپا ءسوز قىزمەتىنىڭ وكىلى نۇرسۇلتان ورىنباساروۆ.
سوت عيماراتىنا بومبا قويىلدى دەگەن حابارلاما 17 سوت مەكەمەسىنە كەلگەن. تەكسەرۋ جۇمىستارى جالعاسۋدا.