تەرگەۋدەگى كۇدىكتى قاشىپ كەتكەن شىمكەنت اباقتىسىنىڭ 17 قىزمەتكەرى جازاعا تارتىلدى
بۇل شارا جۋىردا اباقتىدان كۇدىكتىنىڭ قاشىپ كەتۋىنە بايلانىستى قولدانىلىپ وتىر. قازاقپارات ءتىلشىسى بۇل تۋرالى شىمكەنت قالاسى جانە تۇركىستان وبلىسى بويىنشا قىلمىستىق- اتقارۋ جۇيەسى دەپارتامەنتىنە سىلتەمە جاساپ حابارلايدى.
اتالعان دەپارتامەنتتىڭ باسپا ءسوز قىزمەتى مالىمەتىنشە، 17 قىزمەتكەردەن بولەك، اتالعان اباقتىنىڭ تاعى 1 قىزمەتكەرى جۇمىسىنان بوساتىلدى.
«شىمكەنت قالاسىنىڭ پوليتسيا دەپارتامەنتى اتالعان فاكتى بويىنشا قازاقستان رەسپۋبليكاسى قىلمىستىق كودەكسىنىڭ 426-بابى بويىنشا سوتقا دەيىنگى تەرگەۋ باستادى. ال شىمكەنت قالاسى جانە تۇركىستان وبلىسى بويىنشا قىلمىستىق- اتقارۋ جۇيەسى دەپارتامەنتى قىزمەتتىك تەكسەرۋ جۇرگىزۋدە. ق ر ق ى ج ك 201-بابىنا سايكەس سوتقا دەيىنگى تەرگەپ- تەكسەرۋدىڭ قالعان دەرەكتەرى جاريا ەتۋگە جاتپايدى»، - دەلىنگەن دەپارتامەنتتىڭ حابارلاماسىندا.
ايتا كەتەيىك، بيىلعى 11- مامىردا شىمكەنت قالاسىنىڭ تەرگەۋ يزولياتورىنان كۇدىكتى قاشىپ كەتكەن بولاتىن. ول قىلمىستىق كودەكستىڭ 188-بابى 4-بولىگى بويىنشا قىلمىس جاساعانى ءۇشىن كۇدىكتى دەپ تانىلعان. ونىڭ ۋاقىتشا ۇستاۋ اباقتىسىنان قاشقان ۆيدەوجازباسى الەۋمەتتىك جەلىدە تاراپ كەتكەن بولاتىن. جەدەل- ىزدەستىرۋ ءىس- شارالارى بارىسىندا سەزىكتى 12- مامىر كۇنى ۇستالدى.
اۆتور: اينۇر اقبايەۆا