رەسەيدىڭ تۆەر وبلىسىنداعى ع ز ي- دا بولعان ورتتەن 17 ادام قازا تاپتى
25 ءساۋىر 08:42

رەسەيدىڭ تۆەر وبلىسىنداعى ع ز ي- دا بولعان ورتتەن 17 ادام قازا تاپتى

ماسكەۋ. تاسس - قازاقپارات - رەسەيدىڭ تۆەر قالاسىندا ورنالاسقان اۋە- عارىش قورعانىسى اسكەرىنىڭ ورتالىق عىلىمي- زەرتتەۋ ينستيتۋتىندا بولعان ءورت سالدارىنان 17 ادام قازا تاپتى، دەپ حابارلايدى قازاقپارات رەسەيلىك تاسس اگەنتتىگىنە سىلتەمە جاساپ.

دەنساۋلىق ساقتاۋ مينيسترلىگىنىڭ مالىمەتىنشە، تۆەر وبلىسىندا ءورت سالدارىنان بولعان قيراندىلاردى تازارتۋ جۇمىستارىنا 150 ادام جۇمىلدىرىلعان. تۆەر وبلىسى دەنساۋلىق ساقتاۋ قىزمەتىنىڭ مالىمەتىنشە، ورتتەن زارداپ شەككەندەر اراسىندا 13 ادام اۋرۋحاناعا تۇسكەن، ونىڭ ىشىندە 5 ادام جانساقتاۋ بولىمىندە جاتىر، ولاردىڭ دەنساۋلىق جاعدايى اۋىر، ءبىراق تۇراقتى. ولار ساۋىعىپ كەتەدى دەگەن ءۇمىت بار.

وسىعان دەيىن تاسس اگەنتتىگى اۋرۋحانادا 11 ادامنىڭ جاتقانىن حابارلاعان ەدى. عىلىمي- زەرتتەۋ ينستيتۋتىنداعى ءورت بەيسەنبى كۇنى بولدى. جالىن 22,5 ك م اۋماقتى شارپىدى. عيماراتتان 54 ادام قۇتقارىلىپ، 98 ادام كوشىرىلدى. 30-عا جۋىق ادام زارداپ شەكتى. الدىن الا مالىمەتتەر بويىنشا، ءورتتىڭ شىعۋىنا ەلەكتر جەلىسىنىڭ اپاتتى رەجيمدە جۇمىس ىستەۋى سەبەپ بولعان. ال جالىننىڭ بارىنشا كەڭ اۋماقتى شارپۋىنا ءورت سوندىرۋشىلەرگە حاباردىڭ كەش جەتۋى سەبەپ بولۋى ىقتيمال.


جاڭالىقتار