ەكى ادامدى ولتىرگەن الماتى تۇرعىنى 17 جىلعا سوتتالدى
الماتى قالالىق پ د تەرگەۋ باسقارماسىنىڭ مالىمەتىنشە، وسى جىلدىڭ جازىندا اسا اۋىر قىلمىس تىكەلدى. ىشىمدىك ءىشۋ كەزىندە ەر ادامداردىڭ اراسىندا جانجال تۋىنداپ، 43 جاستاعى ە. ەسىمدى ازامات ك. جانە ب. ەسىمدى بوتەلكەلەستەرىن پىشاقتاپ تاستاعان.
«وكىنىشكە قاراي، جارالانعانداردىڭ ەكەۋى دە ەسىن جيماستان اۋرۋحانادا كوز جۇمدى. كۇدىكتى بىردەن ۇستالىپ، قاماۋعا الىندى. تەرگەۋ ونىڭ ارەكەتىن ق ر ق ك 99-بابى 2-بولىگىمەن سارالادى. ە. ەسىمدى ازامات سول كۇنى-اق ۋاقىتشا ۇستاۋ يزولياتورىنا قامالدى. قىلمىستىق ءىس ماتەريالدارىنان بەلگىلى بولعانداي، وتىرىس جەكە ءۇيدىڭ اۋلاسىندا بولعان. ءبىر كەزدە ەكەۋى داۋلاسا باستايدى. ە. الدىمەن ك. ەسىمدى ازاماتقا، سوسىن ولاردى اجىراتپاق بولعان ب- عا پىشاق سۇعادى»، - دەيدى الماتى قالالىق پوليتسيا دەپارتامەنتى باستىعىنىڭ ورىنباسارى رۇستەم ءابدىراحمانوۆ.
پوليتسيا وكىلىنىڭ ايتۋىنشا، ونىڭ قىلمىسى دالەلدەنىپ، 17 جىلعا سوتتالدى.
«الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ ۇكىمىمەن 43 جاستاعى ە. قىلمىس جاساعانى ءۇشىن كىنالى دەپ تانىلىپ، 17 جىلعا باس بوستاندىعىنان ايىرىلدى»، - دەيدى ول.