19:45, 01 - قازان 2021 | GMT +6
شىعىس قازاقستاندا كارانتين 17- قازانعا دەيىن ۇزارتىلدى
وسكەمەن. قازاقپارات - شىعىس قازاقستان وبلىسىندا كارانتين شەكتەۋى 17- قازانعا دەيىن ۇزارتىلدى، دەپ حابارلايدى قازاقپارات ءتىلشىسى.
ش ق و باس مەملەكەتتىك سانيتار دارىگەرىنىڭ جاڭا قاۋلىسى جاريالاندى. وندا جازىلعانداي، ءوڭىر بويىنشا كارانتين 17- قازانعا دەيىن ۇزارتىلدى.
شەكتەۋ شارالارىنىڭ مەرزىمى وبلىس اۋماعىندا COVID-19 ينفەكسياسىنىڭ تارالۋى بويىنشا احۋالدىڭ وزگەرۋىنە سايكەس قايتا قارالۋى مۇمكىن.
بۇگىندە COVID-19 جۇقتىرعان ناۋقاستاردى ەمدەۋگە ارنالعان ينفەكسيالىق ستاتسيونارلارداعى توسەك قورىنىڭ تولۋ دەڭگەيى - %17,4.
وبلىس بويىنشا ينفەكتسيانىڭ رەپرودۋكتيۆتىك R سانى - 0,984. وسى رەتتە ش ق و سانيتارلىق-ەپيدەميولوگيالىق باقىلاۋ دەپارتامەنتى حالىقتى كارانتين تالاپتارى مەن رەسپۋبليكالىق، وبلىستىق باس مەملەكەتتىك سانيتار دارىگەرلەردىڭ قاۋلىسىنداعى بۇكىل شەكتەۋلەردى ساقتاۋعا شاقىرادى.