USD 434.84 EUR 498.2
RUB 5.72 CNY 68.47
جاڭالىقتار

قىزىلوردادا ءبىر اپتادا كوروناۆيرۋس ينفەكتسياسىن جۇقتىرۋدىڭ 17 دەرەگى انىقتالدى

24 قاراشا 08:43
:ءبولىسۋ
قىزىلوردادا ءبىر اپتادا كوروناۆيرۋس ينفەكتسياسىن جۇقتىرۋدىڭ 17 دەرەگى انىقتالدى

قىزىلوردا. قازاقپارات - قىزىلوردا وبلىسىندا سوڭعى اپتادا كوروناۆيرۋس ينفەكتسياسىن جۇقتىرۋدىڭ 17 دەرەگى انىقتالدى، دەپ حابارلايدى قازاقپارات ءتىلشىسى.

بۇل جونىندە قىزىلوردا وبلىسى سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ مىندەتىن اتقارۋشى ءاليا ءابدىقايىموۆا ءمالىم ەتتى.

بۇگىندە ايماقتا كوروناۆيرۋس ينفەكتسياسىمەن 3285 ادام تىركەلگەن. سوڭعى اپتادا وبلىس بويىنشا كوروناۆيرۋس ينفەكتسياسىن جۇقتىرۋدىڭ 17 دەرەگى انىقتالدى. اۋرۋدىڭ جوعارى كورسەتكىشى 20-69 جاس ارالىعىنداعى ازاماتتار اراسىندا ءجيى تىركەلىپ وتىر.

«بۇل باعىتتا تالداۋ جۇرگىزىلدى. بۇگىنگى كۇنگە دەيىن كوروناۆيرۋس ينفەكتسياسى بويىنشا تىركەلگەن جاعدايدىڭ 69 ى سىرتتان تاسىمالدانعانى بەلگىلى بولدى. سونداي-اق، 1301 ادام قارىم-قاتىناس ارقىلى جۇقتىرعان. ال سكرينينگ ارقىلى 1915 ادام انىقتالدى. ايتا كەتەرلىگى، ءالى دە جاستار اراسىندا ويىن-ساۋىق باس قوسۋى بايقالادى. كارانتين رەجيمىنە قاراماستان ۇلكەن كىسىلەر اس بەرۋ، ۇيدەگى توي، بەتاشار سەكىلدى كوپشىلىك ءىس-شارالارىنا بارۋى تىيىلماي تۇر»، - دەدى ءاليا ءابدىقايىموۆا.

مونيتورينگ توبىنىڭ مۇشەلەرى كارانتيننىڭ ساقتالۋىن كۇندەلىكتى باقىلاۋدا ۇستاپ وتىر. حالىققا قىزمەت كورسەتۋ ورىندارىندا كارانتين تالابى قاتاڭ ساقتالۋى ءتيىس. كەمشىلىككە جول بەرگەن نىسان اكىمشىلىگى جاۋاپكەرشىلىككە تارتىلادى.

ايتا كەتەيىك، بۇدان بۇرىن قىزىلوردادا قاشىقتان ءبىلىم الىپ جاتقان 2 وقۋشىدان كوروناۆيرۋس انىقتالدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات