+7 (701) 759 90 19
1
USD 422.87 EUR 512.1
RUB 5.63 CNY 64.49
جاڭالىقتار

وڭتۇستىك كورەيانىڭ ەكس-پرەزيدەنتى جەمقورلىق ءۇشىن 17 جىلعا سوتتالدى

29 قازان 14:08
:ءبولىسۋ
وڭتۇستىك كورەيانىڭ ەكس-پرەزيدەنتى جەمقورلىق ءۇشىن 17 جىلعا سوتتالدى

نۇر-سۇلتان. قازاقپارات - وڭتۇستىك كورەيانىڭ جوعارعى سوتى ەلدىڭ بۇرىنعى پرەزيدەنتى لي مەن باكتى اقشا جىمقىرۋ جانە پاراقورلىق ءۇشىن 17 جىلعا باس بوستاندىعىنان ايىرعان تومەنگى سوتتىڭ شەشىمىن راستادى، - دەپ حابارلايدى ريا نوۆوستي.

باسىلىمنىڭ مالىمەتىنشە، كورەيا پرەزيدەنتى لي مەن باك 2008-2013 -جىلدارى پاراقورلىق، مەملەكەتتىك قاراجاتتى جانە DAS اۆتوموبيل بولشەكتەرىن شىعاراتىن جەكە كومپانيانىڭ قورلارىن ىسىراپ ەتتى دەپ ايىپتالدى. بۇل كومپانيانىڭ ديرەكتورلار كەڭەسىنىڭ ءتوراعاسى ونىڭ اعاسى لي سان ىن بولعان ەكەن.

وسىلايشا، سەۋل ورتالىق وكرۋگىنىڭ سوتى 2018 -جىلدىڭ 5-قازانىندا ەكس-پرەزيدەنت ءوز بيلىگىن فيرما مەن ءوز مۇددەسىنە پايدالاندى دەگەن قورىتىندىعا كەلدى. ناتيجەسىندە ول 15 جىلعا باس بوستاندىعىنان ايىرىلدى.

«ءبىراق قورعاۋشى تاراپ اپەللياتسيا بەرگەن سوڭ 2019 -جىلدىڭ ناۋرىز ايىندا 78 جاستاعى لي دەنساۋلىعىنا بايلانىستى كەپىلمەن بوساتىلدى. الايدا ءىس قارالعان سايىن جاڭا دەرەكتەر پايدا بولعان. ناتيجەسىندە 2020 -جىلدىڭ قاڭتار ايىنىڭ باسىندا پروكۋراتۋرا سوتتان ەكس- پرەزيدەنتتى قاماۋعا الۋ مەرزىمىن 23 جىلعا دەيىن ۇزارتۋدى جانە ايىپپۇل مەن تاركىلەنەتىن مۇلىكتىڭ مولشەرىن ارتتىرۋدى سۇراعان.

سودان اقپان ايىندا اپەللياتسيالىق سوت DAS كومپانياسىنىڭ قاراجاتىن جىمقىرۋ، ءىرى ەلەكترونيكا كومپانياسىنان، ءىرى قارجى حولدينگىنىڭ ءتوراعاسىنان، مەملەكەتتىك بارلاۋ قىزمەتىنىڭ باسشىسىنان، بۇرىنعى دەپۋتاتتان جانە باسقالاردان پارا الۋ فاكتىسىن انىقتادى. سوندىقتان ونىڭ قاماۋداعى مەرزىمى 17 جىلعا دەيىن ۇزارتىلدى»، - دەپ جازادى باسىلىم.


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات