پ ت ر انىقتاماسى جوق 17 شەتەلدىك قازاقستاننان ءوز ەلدەرىنە قايتارىلدى
«وسى جىلدىڭ 6-قازانىنان بەرى سانيتارلىق- كارانتين پۋنكتتەرىنىڭ ەپيدەميولوگتارى قازاقستانعا اۋە رەيستەرىمەن كەلگەن 17 شەتەلدىكتى، ونىڭ ىشىندە قازاقستاندا تۇرۋعا ىقتيارحاتى بار ادامدى دەپورتاتسيالادى. دەپورتاتسيالاۋعا جارامدىلىق مەرزىمى ءوتىپ كەتكەن پ ت ر نەمەسە جەدەل تەست وتكەنى تۋرالى انىقتامالار سەبەپ بولدى. نۇر- سۇلتان قالاسىنىن اۋەجايىنان 8 شەتەل ازاماتى (رەسەيدىڭ 5، بەلارۋستىڭ 2 جانە تۇركيانىڭ 1 ازاماتى )، ال الماتى قالاسى اۋەجايىنان 9 شەتەل ازاماتى (رەسەيدىڭ 4، ب ا ءا-نىڭ 1، گەرمانيانىڭ 1, وزبەكستاننىڭ 1، تۇركيانىڭ 2 ازاماتى) دەپارتاتسيالانعان بولاتىن»، - دەدى ءسادۋاقاس بايعابىلوۆ.
دەپورتاتسيالانعانداردىڭ اراسىندا ترانزيتتىك اۋە جولاۋشىلارى دا بولعان. ونىڭ اتاپ وتۋىنشە، وتاندىق، شەتەلدىك اۋە كومپانيالارىنا جانە اۋەجايدىڭ مۇددەلى قىزمەتتەرىنە COVID-19 عا ارنالعان پ ت ر انىقتاماسىز كەلگەن شەتەلدىك ازاماتتاردى دەپارتاتسيالاۋ ماسەلەلەرى بويىنشا قوسىمشا سەمينار- كەڭەستەر وتكىزىلەدى.
ەسكە سالا كەتسەك، 6-قازان كۇنى ساعات 00.00 كەزىندە ق ر باس مەملەكەتتىك سانيتار دارىگەر ەرلان قياسوۆتىڭ مەملەكەتتىك شەكاراداعى وتكىزۋ بەكەتتەرى ارقىلى كوروناۆيرۋس ينفەكسياسىنىڭ تارالۋىن الدىن الۋ شارالارىن كۇشەيتۋ تۋرالى قاۋلىسى شىققان ەدى. جاڭا ەرەجەلەرگە سايكەس مىناداي شەكتەۋ شارالارى كۇشىنە ەنەدى: قازاقستانعا شەتەلدەن اۋە رەيسى ارقىلى كەلگەن ازاماتتاردىڭ ءبارى دە تەرمومەتريادان، انكەتالاۋدان ءوتىپ، پ ت ر ءادىسى ارقىلى COVID-19 بويىنشا تەستتەن وتكەنى تۋرالى انىقتاما (72 ساعاتقا جارامدى) كورسەتۋى ءتيىس.
قازاقستان ازاماتى سانالمايتىندار ادامدار قولىندا انىقتاما بولماعان جاعدايدا ەلگە كىرگىزىلمەيدى. دەنە تەمپەراتۋراسى شەكتى نورمادا بولعان جانە انىقتاما كورسەتكەن ازاماتقا COVID-19 بەلگىلەرى بويىنشا ءتۇسىندىرۋ جۇمىستارى جۇرگىزىلىپ، ءتيىستى قولحات بەرىلگەننەن كەيىن ولار باراتىن جەرىنە جىبەرىلەدى. دەنە قىزۋى بار ادامدار قولىندا انىقتاما بار- جوعىنا قاراماستان ەكى اپتاعا كارانتيندىك ستاتسيوناردا وقشاۋلانادى.
ول جەردە اتالعان ازامات COVID-19 بويىنشا تەكسەرۋدەن وتەدى. COVID-19 بويىنشا تەستتەن وتكەننەن كەيىن كوروناۆيرۋس جۇقتىرعانى بەلگىلى بولعان ازاماتتار ينفەكتسيالىق ستاتسيونارعا اۋىستىرىلادى. ال جۇقتىرماعانى انىقتالعان ازاماتتارعا ءتۇسىندىرۋ جۇرگىزىلىپ، ءتيىستى قولحات بەرىلەدى. ۇشىپ كەلگەن ق ر ازاماتتارى انىقتاما بولماعان جاعدايدا ەكى تاۋلىككە كارانتيندىك ستاتسيونارعا جاتقىزىلادى. ول جەردە اتالمىش ازامات COVID-19 بويىنشا تەكسەرۋدەن وتەدى. COVID-19 بويىنشا تەستتەن وتكەننەن كەيىن كوروناۆيرۋس جۇقتىرعانى انىقتالماعان ازاماتتارعا ءتۇسىندىرۋ جۇرگىزىلىپ، ءتيىستى قولحات بەرىلەدى. COVID-19 جۇقتىرىپ كەلگەنى بەلگىلى بولعان ازاماتتار ينفەكسيالىق ستاتسيوناردىڭ كارانتين وقشاۋلاعىشىنا جاتقىزىلادى.
اۆتور: مارلان جيەمباي