قازاقپارات كۇنتىزبەسى: 17- قىركۇيەك

None
None
نۇر-سۇلتان. قازاقپارات - قازاقپارات وقىرماندارىنا 2020-جىلعى 17- قىركۇيەككە ارنالعان كۇنتىزبەسىن ۇسىنادى.

دۇنيەجۇزىلىك پاتسيەنتتەر قاۋىپسىزدىگى كۇنى

رەسمي تۇردە 2019-جىلدىڭ مامىر ايىندا جەنيەۆادا وتكەن دۇنيەجۇزىلىك دەنساۋلىق ساقتاۋ اسسامبلەياسىنىڭ 72- سەسسياسىندا بەكىتىلدى.

ەستە قالار وقيعالار

1930-جىلى «كولحوز جولى» دەگەن اتاۋمەن قازىرگى «كوكشەتاۋ» قالالىق گازەتى شىعا باستادى. گازەت وبلىستىڭ ەكونوميكالىق، الەۋمەتتىك سالاداعى جەتىستىكتەرىن ناسيحاتتاعانى ءۇشىن ءۇش مارتە بۇكىلوداقتىق شىعارماشىلىق بايقاۋدىڭ لاۋرەاتى اتانعان.

1980-جىلى گازەت «قۇرمەت بەلگىسى» وردەنىمەن ماراپاتتالعان.

1990 -جىلدىڭ قاڭتار ايىنان باستاپ «كوكشەتاۋ» دەگەن اتپەن شىعا باستادى.

2007 -جىلى مەملەكەت باسشىسى «كاسپي»، «توبىل» جانە «باتىس» الەۋمەتتىك-كاسىپكەرلىك كورپوراتسيالارىن قۇرۋ جانە ولاردىڭ قىزمەتتەرىن قامتاماسىز ەتۋ جونىندەگى شارالار تۋرالى» جارلىققا قول قويدى.

2010 -جىلى قازاقستان ۇكىمەتى مەن ب ۇ ۇ- نىڭ اراسىندا بىرىككەن ۇلتتار ۇيىمىنىڭ ءتولقۇجات يەلەرىن ۆيزالىق تالاپتاردان بوساتۋ تۋرالى كەلىسىمگە قول قويىلدى. قازاقستان وزدەرىندە ب ۇ ۇ- نىڭ قىزمەتكەرلەرى ءۇشىن ۆيزاسىز رەجيمدى قابىلداعان 26 ەلدىڭ توبىنا قوسىلدى.

2010 -جىلى قازاقستاندىق ءتۋريزمدى دامىتۋ اياسىندا الماتىدان سولتۇستىك باتىسقا قاراي 170 شاقىرىم ايماقتا ورنالاسقان اشىق اسپان استىنداعى «تاڭبالى» مۋزەي-قورىعىنىڭ اۋماعىندا اباتتاندىرۋ جۇمىستارى باستالدى. «تاڭبالىنىڭ» تۋريستەردى تارتاتىن باستى ەرەكشەلىگى تاسقا قاشاپ جازىلعان سۋرەت ەسكەرتكىشتەر، پەتروگليفتەر. مۋزەي-قورىقتىڭ تاريحي، مادەني جانە عىلىمي ماڭىزى وراسان زور. مۇنداعى قول داۋىرىنەن قازىرگى كەزگە دەيىنگى 100 دەن استام تاريحي ەسكەرتكىشتەر تۇتاس ارحەولوگيالىق كەشەندى قۇرايدى.

2010 -جىلى قوستانايدا الەكساندر سەرگەيەۆيچ پۋشكيننىڭ ەسكەرتكىشى اشىلدى. ۇلى اقىننىڭ ءمۇسىنىن قازاقستانعا رەسەي جازۋشىلار وداعى تارتۋ ەتتى. قولا ءمۇسىننىڭ اۆتورى - ءمۇسىنشى نيكولاي كۋزنەتسوۆ- مۋرومسكي.

2011 -جىلى باياناۋىلدا (پاۆلودار وبلىسى) XVII- XVIII عاسىردىڭ مەملەكەت قايراتكەرلەرى شوڭ ءبي ەدىگە ۇلى مەن شورمان بي كۇشىك ۇلىنا ەسكەرتكىش اشىلدى.

2012 -جىلى قازاقستان رەسپۋبليكاسى سۋرەتشىلەر وداعىنىڭ مۇشەسى، سۋرەتشى- گرافيك الەكساندر ەراشوۆ «ۇزدىك ادامدار» حالىقارالىق ەنتسيكلوپەدياسىنىڭ كەيىپكەرى اتاندى.

2016 -جىلى قازاقستاندىق بوكسشى قانات يسلام قازاقستاندى الەمگە تانىتۋعا قوسقان ەلەۋلى ۇلەسى ءۇشىن باۋىرجان مومىش ۇلى اتىنداعى «نامىس» مەدالىمەن ماراپاتتالدى.

2019 -جىلى ەلباسى ن. نازاربايەۆتىڭ «رۋحاني جاڭعىرۋ» مەملەكەتتىك باعدارلاماسى مەن «ۇلى دالانىڭ جەتى قىرى» ماقالاسىن ىسكە اسىرۋ ماقساتىندا قازاقستاندىق دەلەگاتسيا ۇلى ويشىل ءابۋ ءناسىر ءال-ءفارابيدىڭ 1150 جىلدىعىن مەرەكەلەۋ قارساڭىندا سيرياداعى داماسك قالاسىنا ساپار جاسادى.

ساپاردىڭ ماقساتى - مادەني- تاريحي ورتالىقپەن، قازاقستاندىق تاراپ سالعان ءال-فارابي كەسەنەسىمەن تانىسۋ، 2020-جىلى ءۇلى ويشىلدىڭ 1150جىلدىعىنا دايارلىق جانە تاعى باسقا كوپتەگەن ماسەلەلەردى تالقىلاۋ.

2019 -جىلى اتىراۋ حالىقارالىق اۋەجايى الاڭىندا قازاقتىڭ تۇڭعىش ۇشقىش قىزى، حالىق قاھارمانى حيۋاز دوسپانوۆاعا ارنالعان ەسكەرتكىش اشىلدى. 1922-جىلدىڭ 15- مامىرىندا اتىراۋ وبلىسىندا دۇنيەگە كەلگەن حيۋاز ەكىنشى دۇنيەجۇزىلىك سوعىستا ەرلىگىمەن تانىلعان، ال سوعىستان كەيىن قايراتكەرلىگىمەن دارالانعان قازاقتىڭ قاھارمان قىزى.

ونىڭ ەرلىگىنە باس يگەن جەرلەستەرى اۋەجاي الدىندا باتىرعا ارنالعان ەسكەرتكىش ورناتۋ تۋرالى باستاما كوتەرگەن بولاتىن. ەسكەرتكىشتىڭ بيىكتىگى - 2 مەتر 30 سانتيمەتر. قولادان قۇيىلعان ەسكەرتكىشتە حيۋاز دوسپانوۆانىڭ سوعىسقا اتتانعان بويجەتكەن قالپى ساقتالعان.

سوڭعى جاڭالىقتار