+7 (701) 759 90 19
5 °С : نۇر-سۇلتان
12 °С : الماتى
USD 443.50 EUR 479.47
RUB 5.79 CNY 62.51
جاڭالىقتار

الماتىدا وتەتىن فريستايلدان الەم كۋبوگى كەزەڭدەرىنە 17 ەلدىڭ سپورتشىلارى قاتىسادى

26 اقپان 13:46
:ءبولىسۋ
الماتىدا وتەتىن فريستايلدان الەم كۋبوگى كەزەڭدەرىنە 17 ەلدىڭ سپورتشىلارى قاتىسادى

الماتى. قازاقپارات – 28- اقپاندا الماتى قالاسىندا Mountain Ski Resort Oi-Qaragai Lesnaya Skazka كۋرورتىندا فريستايلدان FIS الەم كۋبوگىنىڭ كەزەڭدەرى باستالادى، دەپ حابارلايدى قازاقپارات ءتىلشىسى.

بۇگىن ۇيىمداستىرۋشىلار الماتىدا باسپا ءسوز ءماسليحاتىن وتكىزدى. ولار ءدۇبىرلى دوداعا قالاي دايىندالىپ جاتقانى تۋرالى ايتتى. دۇنيەنىڭ ءار تۇكپىرىنەن كىل مىقتى سپورتشىلاردىڭ باسىن بىرىكتىرەتىن جارىسقا الەمدە تارالىپ جاتقان كوروناۆيرۋس قالاي اسەر ەتەتىندىگىن ءتۇسىندىردى.

فريستايلدىڭ موگۋل جانە شاڭعى اكروباتيكاسى تۇرلەرىنەن سايىسقا 17 ەلدەن سپورتشىلار كەلەدى. كورەرمەندەر ەۋروپا، ازيا، ا ق ش، كانادا، رەسەي ارنالارى ارقىلى تىكەلەي تاماشالاي الادى.

ق ر شاڭعى سپورتى قاۋىمداستىعىنىڭ باس حاتشىسى اسقار ۋاليەۆتىڭ ايتۋىنشا، كوروناۆيرۋسقا بايلانىستى شەتەلدىك سپورتشىلاردىڭ قازاقستانعا كىرۋىنە قاتىستى ازداعان كەدەرگىلەر بولعانىمەن، قازىر قاۋىپتەنەتىن سەبەپ جوق.

«شاڭعى اكروباتيكاسىنا قاتىساتىن مينسك، كيەۆ، ىستانبۇل قالالارىنان كەلگەن سپورتشىلار سوڭعى 2 ايدا قىتاي اۋماعىندا بولماعان. ءبىز ولاردىڭ ءتولقۇجاتتارىن الدىن الا تەكسەردىك. بارلىق كوماندا امان-ەسەن كەلدى. اۋەجايدا ق ر د س م تالاپتارىنا ساي تەكسەرۋدەن ءوتتى. قازىر ولاردىڭ بارلىعى قوناق ۇيلەرگە ورنالاستى. دايىندىقتى باستاپ كەتتى»، - دەدى اسقار ۋاليەۆ.

حالىقارالىق شاڭعى سپورتى تۇرلەرى فەدەراتسياسىنىڭ (FIS) فريستايلدان الەم كۋبوگىنىڭ ديرەكتورى دجو فيتتسجەرالد اتالعان ىندەتكە بايلانىستى قىتايدان شەكتەۋلى كوماندا كەلگەنىن ايتتى. ونىڭ ىشىندە قىتاي تەرريتورياسىندا سوڭعى 2 ايدا بولماعان تەك موگۋل سپورتى وكىلدەرى عانا كەلگەن.

شاڭعى اكروباتيكاسى بويىنشا قىتاي كومانداسى سايىسقا قاتىسپايدى.

«قىتايدا ۇلتتىق سايىس بولمايتىن بولعان سوڭ قىتاي كومانداسى بەلارۋس ەلىنىڭ مينسك قالاسىندا جاتتىعىپ جاتىر. ولار كراسنويارسك قالاسىندا ەكى اپتادان سوڭ وتەتىن الەم كۋبوگىنىڭ اقتىق سىنىندا شىعاتىن بولادى»، - دەدى دجو فيتتسجەرالد.

ۇيىمداستىرۋشىلاردىڭ ايتۋىنشا، قىس جىلى بولعانمەن الماتىدا شاڭعى جولدارى سايىسقا دايىن.

بۇل سايىستاردا قازاقستاننىڭ نامىسىن وليمپيادا ويىندارىنىڭ قولا جۇلدەگەرلەرى مەن الەم كۋبوگى كەزەڭدەرىنىڭ جەڭىمپازدارى يۋليا گالىشەۆا، دميتري رەيحەرد، پاۆەل كولماكوۆ، اياۋلىم امىرەنوۆا، سەرگەي رومانوۆ، جانبوتا الدابەرگەنوۆا، اقمارجان قالمىرزايەۆا قورعايتىن بولادى.

فريستايلدان الەم كۋبوگىنىڭ كەزەڭدەرى 1980-جىلدان بەرى جىل سايىن ءوتىپ كەلەدى.


باستى سوزدەر: سپورت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات