+7 (701) 759 90 19
6 °С : نۇر-سۇلتان
17 °С : الماتى
USD 447.67 EUR 491.36
RUB 5.74 CNY 63.07
جاڭالىقتار

قازاقپارات كۇنتىزبەسى: 17- اقپان

17 اقپان 07:32
:ءبولىسۋ
قازاقپارات كۇنتىزبەسى: 17- اقپان

نۇر-سۇلتان. قازاقپارات - قازاقپارات وقىرماندارىنا 2020-جىلعى 17- اقپانعا ارنالعان كۇنتىزبەسىن ۇسىنادى.

اتاۋلى كۇندەر

رياسىز مەيىرىم كورسەتۋ كۇنى

بۇل مەيرامدى ازاماتتىعىنا، ۇلتىنا، ءدىني سەنىمدەرىنە قاراماستان بۇكىل ادامزات اتاپ وتۋگە بولادى. بۇل كۇنى، ۇيىمداستىرۋشىلاردىڭ ايتۋى بويىنشا، اينالاداعىلاردىڭ بارىنە شەكسىز مەيىرىمدى بولۋعا تىرىسۋ كەرەك.

ەستە قالار وقيعالار

2005-جىلى پارلامەنت سەناتىنىڭ حالىقارالىق قاتىناستار كوميتەتىنىڭ ءتوراعاسى، ساياسي عىلىمدار دوكتورى، پروفەسسور، تانىمال مەملەكەت قايراتكەرى قۋانىش سۇلتانوۆ ەۋروپالىق قاۋىپسىزدىك جانە ىنتىماقتاستىق ۇيىمى اياسىنداعى «دانالار كەڭەسىنىڭ» مۇشەسى بولدى. «دانالار كەڭەسىنە» ۆانكۋۆەردەن ۆلاديۆوستوكقا دەيىن ە ق ى ۇ قىزمەت ەتەتىن بارلىق ايماقتىڭ وكىلدەرى كىرەدى.

2009-جىلى ق ر پرەزيدەنتىنىڭ جارلىعىمەن قازاقستان رەسپۋبليكاسىنىڭ سىرتقى بارلاۋ قىزمەتى - «سىربار» قۇرىلدى. جارلىقتا اتاپ وتىلگەندەي، ق ر- نىڭ 2007-2012-جىلدارى ۇلتتىق قاۋىپسىزدىگى ستراتەگياسىن ىسكە اسىرۋ، ۇلتتىق قاۋىپسىزدىكتى نىعايتۋ جانە قازاقستاننىڭ ارنايى قىزمەتتەر قۇرىلىمىن جانداندىرۋ ماقساتىندا قازاقستان رەسپۋبليكاسىنىڭ «سىربار» سىرتقى بارلاۋ قىزمەتى قۇرىلدى. مەملەكەتتىك ورگان رەتىندە ول تىكەلەي قازاقستان رەسپۋبليكاسىنىڭ پرەزيدەنتىنە باعىنىپ، ەسەپ بەرەدى. اتالعان جارلىققا سايكەس سونداي-اق قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ «بارلاۋ» قىزمەتى تاراتىلدى.

2010-جىلى 9-سىنىپقا ارنالعان «ءدىن تانۋ نەگىزدەرى» وقۋلىعى جارىققا شىقتى.

2013-جىلى قازاقستاندىق وپەراتور ءازيز جامباكيەۆ «ۋروكي گارمونيي» فيلمى ءۇشىن بەرلين كينوفەستيۆالىنىڭ جۇلدەسىنە يە بولدى. بۇل ايگىلى بەرلين كينوفەستيۆالىندە قازاقستاندىق كينوگەرلەردىڭ العان العاشقى جۇلدەسى ەدى.

2016-جىلى استاناداعى قازاق ۇلتتىق ونەر ۋنيۆەرسيتەتىندە ش. ايمانوۆ اتىنداعى «قازاق فيلم» ا ق تۇسىرگەن تولىقمەتراجدى «ساعادات نۇرماعامبەتوۆ. سوڭعى سۇحبات» اتتى دەرەكتى فيلمىنىڭ كورسەتىلىمى ءوتتى. تۋىندى كەڭەس وداعىنىڭ باتىرى، قازاقستاننىڭ حالىق قاھارمانى، قازاقستان رەسپۋبليكاسىنىڭ تۇڭعىش قورعانىس ءمينيسترى، ارميا گەنەرالىنىڭ ومىرىنەن سىر شەرتەدى.

2017-جىلى بىشكەكتە «قىرعىزكينو» كينوتەاترىندا قىرعىز رەجيسسەرى ءومىرزاق تولوبەكوۆ تۇسىرگەن «الەمدىك نازاربايەۆ» فيلمىنىڭ العاشقى كورسەتىلىمى ءوتتى.

پرەمەرادا بولعان قىرعىزستاننىڭ تانىمال مەملەكەتتىك قايراتكەرلەرى، زيالى قاۋىم وكىلدەرى جانە قاراپايىم كورەرمەندەر قازاقستاندىق كوشباسشىنى جاڭا قىرىنان تانىتىپ، ەكى باۋىرلاس حالىقتىڭ تىعىز بايلانىسىن اشىپ كورسەتكەن فيلم اۆتورلارىنا ۇلكەن العىستارىن ايتتى.

2017-جىلى استانادا 10 جاستاعى ايمەن نۇرجان ەكسپو-2017 كورمەسى قوناقتارى مەن كەلۋشىلەرىنە ىڭعايلى بولۋى ءۇشىن «ەكسپو-گيد» موبيلدى قوسىمشاسىن ازىرلەدى. وندا حالىقارالىق كورمەگە قاتىسۋشى ەلدەردىڭ پاۆيلوندارى گەولوكاتسيامەن كورسەتىلگەن. قوسىمشا كومەگىمەن كەز كەلگەن ادام كورمەنىڭ قاي پاۆيلونىنا قالاي بارۋ قاجەتتىگىن ءبىلىپ قانا قويماي، مەيرامحانالار، تاكسي مەن اۆتوبۋستار، انىقتاما بيۋروسى قىزمەت تۇرلەرىن دە الا الادى.

2018-جىلى تۇركيانىڭ كاستامونۋ قالاسىندا تۇركسويعا مۇشە ەلدەر وكىلدەرىنىڭ قاتىسۋىمەن وتكەن 2017-جىلدى قورىتىندىلاۋ جيىنىندا تۇركىتىلدەس ەلدەردىڭ رۋحاني ومىرىنە ۇلەس قوسقان ءبىرقاتار ازاماتتاردىڭ ەسىمدەرى ۇزدىكتەر قاتارىندا اتالدى.

تۇركسوي ۇيىمىنىڭ جانە باۋىرلاس مەملەكەتتەردىڭ ءوزارا ىنتىماقتاستىعى مەن بىرلىگىن ناسيحاتتاۋعا ەرەكشە ەڭبەگى سىڭگەن قازاقستان، قىرعىزستان، تاتارستان، باشقۇرتستان، گاگاۋزيا، سولتۇستىك كيپر، بولگاريا، ماكەدونيا، تۇركيا ەلدەرىنىڭ اقىن-جازۋشىلارى مەن جۋرناليستەرىنە «باسپا ءسوز سىيلىعى» مەن ارنايى ديپلومدار، باعالى سىيلىقتار تابىستالدى. ماراپاتتالعانداردىڭ اراسىندا وڭتۇستىك قازاقستان وبلىسى مادەنيەت جانە حالىق شىعارماشىلىعى ورتالىعىنىڭ رەداكتورى ءمادينا ايتپەنبەتوۆا مەن «قازاقپارات» حالىقارالىق اقپاراتتىق اگەنتتىگىنىڭ رەداكتورى جانار مۇحامەدياروۆا دا بار.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات