+7 (701) 759 90 19
-5 °С : نۇر-سۇلتان
-1 °С : الماتى
USD 379.75 EUR 415.18
RUB 5.78 CNY 54.19
جاڭالىقتار

تۇلكىباسقا ءبىر جىلدا 17 مىڭنان اسا تۋريست كەلگەن - اۋدان اكىمى

13 اقپان 08:54
:ءبولىسۋ
تۇلكىباسقا ءبىر جىلدا 17 مىڭنان اسا تۋريست كەلگەن - اۋدان اكىمى

تۇلكىباس. قازاقپارات - تۇلكىباس اۋدانىندا اۋىل شارۋاشىلىعى سالاسىندا زاماناۋي تەحنولوگيالار قولدانىلىپ ءجۇر.

بۇل تۋرالى اۋدان اكىمى نۇربول تۇراشبەكوۆ تۇرعىندارعا ەسەپ بەرۋ كەزىندە ايتىپ ءوتتى، دەپ حابارلايدى قازاقپارات ءتىلشىسى.

اۋدان اكىمىنىڭ مالىمەتىنشە، حالىقتى جۇمىسپەن قامتۋ ماقساتىندا جالپى سوماسى 6094 ميلليون تەڭگە بولاتىن 33 جوبا ىرىكتەپ الىنعان. بۇگىنگى كۇنى 30 جوبا ىسكە اسىرىلعان. ونىڭ ىشىندە 7 جوبا - ءوز قاراجاتى ەسەبىنەن، 23 ىنە قارجى ينستيتۋتتارى نەسيە بەرگەن.

«جۇزەگە اسىرىلعان جوبالاردىڭ اراسىندا وتباسىلىق ءسۇت فەرمالارىن، مال بورداقىلاۋ الاڭدارىن سالۋ، ەشكى فەرمالارىن اشۋ، بيە ساۋاتىن شارۋاشىلىق، كول- تاۋارلى بالىق شارۋاشىلىعىن دامىتۋ، ءسۇت وڭدەۋ نىساندارىن قۇرۋعا قارالعان جوبالار بار. اۋداندا شاعىن جانە ورتا بيزنەس نىساندارىنىڭ سانى ارتا تۇسكەن. بۇگىندە ونىڭ سانى 7490 عا جەتىپ، وندا 17250 ادام جۇمىسپەن قامتىلعان. شاعىن ورتا بيزنەس سۋبەكتىلەرىنىڭ شىعارعان ءونىم كولەمى 22,1 ميلليارد تەڭگەنى قۇراپ وتىر. وسى شاعىن جانە ورتا بيزنەستى قولداۋ ماقساتىندا اۋداندا 807 جوبا ءتۇرلى قارجىلىق ۇيىمدارمەن 1612 ميلليون تەڭگەگە، ال 10 جوبا «قاراپايىم زاتتار ەكونوميكاسى» مەملەكەتتىك باعدارلاماسى اياسىندا «اگرارلىق نەسيە كورپوراتسياسى» ا ق 408,3 ميلليون تەڭگە جەڭىلدەتىلگەن نەسيە بەرگەن»، - دەيدى نۇربول تۇراشبەكوۆ.

اۋدان اكىمى سونداي-اق، تابيعاتى كوركەم اۋداندا تۋريزم سالاسى دا دامىپ جاتقانىن جەتكىزدى. وتكەن جىلى اۋدانعا 17067 تۋريست كەلسە، ونىڭ 1215 ى - شەتەل ازاماتتارى.

«اۋداندا كورىكتى جەرلەردىڭ ءتىزىمى جاسالىپ، تۋريستەرگە تانىستىرۋ ماقساتىندا ارنايى مارشرۋتتار قۇرىلعان. وتكەن جىلى اۋدان اۋماعىنداعى «باتىس ەۋروپا - باتىس قىتاي» جول بويىنان «جول بويىندا قىزمەت كورسەتۋ» جوباسى ىسكە اسسا، قاراعاشتى اۋىلىندا ەتنواۋىلدىڭ قۇرىلىسى جۇرۋدە. اۋدان اۋماعىنا شىعىس قاقپادان كىرەبەرىستە جولدا قىزمەت كورسەتۋ ورتالىعى ىسكە قوسىلدى. ول ورتالىق جولاۋشىلارعا جانە تۋريستەرگە ارنالعان زاماناۋي قوناقۇيمەن، اۆتوتۇراق، اسحانا، كافە جانە جانار- جاعارماي قۇيۋ بەكەتى قىزمەتتەرىمەن قامتىلعان»، - دەدى نۇربول تۇراشبەكوۆ.

سونداي-اق اۋداندا «Etno Park Resort « جوباسى بويىنشا قۇرىلىس جۇمىستارى جۇرگىزىلۋدە. جوبادا تۋريستەردى قابىلداۋ، گيد اۋدارماشى، كونفەرەنس زال، وبلىستىق جانە اۋداننىڭ تۋريستىك مارشرۋتىنا ەنگەن نىساندارعا ساياحات قىزمەتتەرى قارالعان. جاڭادان 15 ادامعا جۇمىس ورنى اشىلادى.

جوسپار بويىنشا كۇنىنە 30، جىلىنا 1000 تۋريستكە قىزمەت كورسەتىلەدى دەپ كۇتىلۋدە. بۇل جوبا بيىل ىسكە اسىرىلۋى ءتيىس. اۋدان تۇرعىندارى ساپالى اۋىزسۋمەن قامتىلعان. اپاتتى جاعدايداعى مەكتەپتەردىڭ ماسەلەسى تۇبەگەيلى شەشىلگەن. بالاباقشامەن قامتۋ %100 پايىزعا ورىندالىپ وتىر.

جيىنعا قاتىسقان وبلىس اكىمىنىڭ ورىنباسارى ۇلان تاجىبايەۆ جانە جارىسسوزگە شىققان اۋداندىق ارداگەرلەر كەڭەسىنىڭ ءتوراعاسى ءساتباي قاسىمبەكوۆ، قوعامدىق كەڭەس ءتوراعاسى وتەپباي ماتكارىموۆ اتقارىلعان جۇمىستار جونىندە پىكىرلەرىن ورتاعا سالىپ، اۋدان اكىمىنىڭ جۇمىسىنا وڭ باعا بەردى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات