+7 (701) 759 90 19
-9 °С : نۇر-سۇلتان
-2 °С : الماتى
USD 385.55 EUR 426.57
RUB 6.05 CNY 54.77
جاڭالىقتار

قازاقپارات كۇنتىزبەسى. 17 -قاراشا

17 قاراشا 08:49
:ءبولىسۋ
قازاقپارات كۇنتىزبەسى. 17 -قاراشا

نۇر- سۇلتان. قازاقپارات - قازاقپارات وقىرماندارىنا 2019 -جىلعى 17 قاراشاعا ارنالعان كۇنتىزبەسىن ۇسىنادى.

اتاۋلى كۇندەر

دۇنيەجۇزىلىك جول-كولىك وقيعاسى (ج ك و) قۇرباندارىن ەسكە الۋ كۇنى

2005 -جىلدىڭ قازان ايىندا بىرىككەن ۇلتتار ۇيىمى باس اسسامبلەياسىنىڭ رەزوليۋتسياسىنا (A/RES/60/5) سايكەس، قاراشانىڭ ءۇشىنشى دەمالىس كۇنى دۇنيەجۇزىلىك جكو قۇرباندارىن ەسكە الۋ كۇنى رەتىندە بەلگىلەندى.

دۇنيەجۇزىلىك جكو قۇرباندارىن ەسكە الۋ كۇنىنىڭ ماقساتى - جول- كولىك وقيعالارىنىڭ قۇرباندارىن ەسكە الۋ جانە ولاردىڭ وتباسى مۇشەلەرىنە كوڭىل ايتۋ، سونداي- اق مەملەكەت ۇكىمەتتەرىنە جانە جاۋاپتى ۇيىمدارعا بارلىق ازاماتتار ءۇشىن جول قوزعالىسى قاۋىپسىزدىگىن قامتاماسىز ەتۋ قاجەتتىگى تۋرالى تاعى دا ەسكە سالۋ.

حالىقارالىق ستۋدەنتتەر كۇنى

پراگادا 1939 -جىلعى 17 -قاراشادا نەمىس- فاشيست باسقىنشىلارى اتىپ ولتىرگەن چەح پاتريوت- ستۋدەنتتەرىن ماڭگى ەستە قالدىرۋ ءۇشىن پراگادا 1946 -جىلى وتكەن دۇنيەجۇزىلىك ستۋدەنتتەر كونگرەسىندە بەكىتىلدى.

قازاقستانداعى اۋىل شارۋاشىلىعى، تاماق جانە وڭدەۋ ونەركاسىبى قىزمەتكەرلەرى كۇنى

قاراشانىڭ ءۇشىنشى جەكسەنبىسىندە اتاپ وتىلەدى. بۇل كۇنى تاڭنىڭ اتىسىنان كەشتىڭ باتىسىنا دەيىن دامىلسىز جۇمىس ىستەپ، بيداي مەن كوكونىس ءوسىرىپ، ءسۇت، ەت جانە باسقا دا تاماق ونىمدەرىن داستارحانعا ۇسىنۋشىلاردى قۇتتىقتايدى. بۇل - ەگىستىكتەر مەن شارۋا قوجالىقتارى جۇمىسشىلارىنىڭ، اۋىل شارۋاشىلىعى كاسىپورىندارى باسشىلارى مەن ماماندارىنىڭ، عالىمدارىنىڭ، تاماق جانە قايتا وڭدەۋ ونەركاسىبى جانە اگروونەركاسىپتىك كەشەن قىزمەتكەرلەرىنىڭ مەرەكەسى.

ازەربايجاننىڭ ۇلتتىق قايتا جاڭارۋ كۇنى

1988 -جىلى بۇل كۇنى باكۋدەگى لەنين الاڭىندا (قازىر ازاتتىق الاڭى) بۇرىنعى كەڭەس وداعى ورتالىق بيلىگىنىڭ تاۋلى قاراباقتاعى شيەلەنىسكە قاتىستى ساياساتىنا قارسى نارازىلىق ءبىلدىرىپ، ازەربايجاننىڭ ك س ر و قۇرامىنان شىعارىلۋىن تالاپ ەتكەن ۇراندار ايتىلدى.

ەستە قالار وقيعالار

1837 -جىلى 17-24 -قاراشا كۇندەرى يساتاي مەن ماحامبەت باستاعان كوتەرىلىسشىلەر جاسقۇستا حان جاساعىمەن شايقاستى.

1993 -جىلى گەيدار الييەۆ اتىنداعى «ازەربايجان- قازاقستان» دوستىق قوعامى قۇرىلدى. قوعام قازاقستان مەن ازەربايجاننىڭ ەكىجاقتى ءوزارا قاتىناستارىنىڭ دامۋىندا ماڭىزدى ءرول اتقارىپ، استانا مەن باكۋ قالالارى اراسىندا دوستىق بايلانىستى نىعايتۋ ىسىنە ۇلەسىن قوسىپ وتىر.

2005 -جىلى قازاقستاننىڭ ورتالىق سپورت كلۋبىنىڭ الپينيزم جانە شىڭعا ورمەلەۋشىلەر كومانداسى انتاركتيدادا قازاقستان رەسپۋبليكاسىنىڭ مەملەكەتتىك تۋىن كوتەرىپ، سالتاناتتى تۇردە لاگەر اشتى. «قازاقستان - انتاركتيدا-2005» سپورتتىق- الپينيزم جانە شىڭعا ورمەلەۋشىلەر كومانداسى وڭتۇستىك پوليۋستەگى وسى ۋاقىتقا دەيىن ەشكىم باعىندىرماعان بەس قۇزار بيىكتىكتىڭ توبەسىنە تابان تىرەدى. ءسويتىپ، بۇل بيىكتىكتەرگە «قازاقستان شىڭى»، «استانا شىڭى»، «قازاقستان حالقى اسسامبلەياسى شىڭى»، «ءال- فارابي شىڭى»، «وڭتۇستىك وليمپ بيىكتىگى» دەگەن ات بەردى. وسىلايشا، انتراكتيدا كارتاسىندا جاڭادان شىڭدار پايدا بولدى.

2010 -جىلى الماتى قالاسىنداعى ك. كوجامجاروۆ اتىنداعى ۇيعىر مۋزىكالىق كومەديا تەاترىندا تانىمال قازاقستاندىق حورەوگراف، بالەت شەبەرى، ق ر حالىق ءارتىسى بولات ايۋحانوۆقا الەمدىك مادەنيەتتى دامىتۋعا قوسقان جەكە ۇلەسى ءۇشىن حالىقارالىق سوكرات سىيلىعىن سالتاناتتى تۇردە تابىستاۋ ءراسىمى ءوتتى.

«Socrates Award Ceremony» اتتى حالىقارالىق سوكرات سىيلىعى - بۇل كاسىبي سالاداعى جەتىستىكتەردىڭ باعاسى، ەڭ جوعارى، حالىقارالىق دارەجەدە مويىندالعاندىقتىڭ بەلگىسى. بولات ايۋحانوۆ - بۇل سىيلىقتىڭ قازاقستانداعى العاشقى لاۋرەاتى.

2014 -جىلى الماتىدا ق ر مادەنيەت جانە سپورت مينيسترلىگىندە ق ر پرەزيدەنتى نۇرسۇلتان نازاربايەۆتىڭ باستاماسىمەن «مادەني مۇرا» باعدارلاماسى اياسىندا قازاق فولكلورىنىڭ 100 تومدىق «بالابار ءسوزىنىڭ» تانىستىرىلىمى ءوتتى.

2014 -جىلى قوستانايدا زاعيپ اقىندار شىعارعان ولەڭدەردىڭ العاشقى جيناعى جارىققا شىقتى. «سەزىمدەر كەمپىرقوساعى» («رادۋگا چۋۆستۆ» ) دەپ اتالاتىن جاڭا كىتاپقا بۇكىل وبلىستاعى «ەرەكشە» توعىز اقىننىڭ شىعارمالارى كىردى.

2016 -جىلى ق ر تۇڭعىش پرەزيدەنتى - ەلباسىنىڭ مادەنيەت سالاسىنداعى جىل سايىنعى 75 مەملەكەتتىك ستيپەندياسى بەكىتىلدى. ستيپەنديانىڭ اي سايىنعى كولەمى - 20 ا ە ك.

2016 -جىلى قوستاناي وبلىسىنىڭ قوستاناي مەن تاران اۋداندارى مەن رۋدنىي قالاسىنىڭ شەكاراسىنا وزگەرىس ەنگىزىلدى. جالپى اۋدانى 5288 گەكتار بولاتىن قوستاناي جانە تارانوۆ اۋداندارىنىڭ جەر بولىگىن وبلىستىق ماڭىزى بار قالا رۋدنىي شەكاراسىنا قوسۋ ارقىلى ارقىلى وزگەرىس ەنگىزگەن بولاتىن.

2017 -جىلى گولليۆۋدتاعى Hollywood Music in Media Awards بايقاۋىندا ديماش قۇدايبەرگەننىڭ ورىنداۋىنداعى ءان «Moonlight Blade « بەينەويىنىنا ۇزدىك ساۋندترەك رەتىندە جەڭىسكە جەتتى.

2017 -جىلى قازاقستاندىق شاحماتشى، ءتورت دۇركىن الەم چەمپيونى، حالىقارالىق گروسسمەيستەر دينارا ءسادۋاقاسوۆا ي ن ي س ە ف-تىڭ قازاقستانداعى ۇلتتىق ىزگى نيەت ەلشىسى اتاندى.


باستى سوزدەر: الةم, قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات