قازاقستان مۇناي وڭدەۋ كولەمىن جىلىنا 17 ميلليون تونناعا جەتكىزۋدى كوزدەيدى
بۇل تۋرالى KAZENERGY قاۋىمداستىعى باسقارما ءتوراعاسىنىڭ ورىنباسارى ۇزاقباي قارابالين ءمالىم ەتتى، دەپ حابارلايدى قازاقپارات ءتىلشىسى.
«بولجامعا سۇيەنسەك، الداعى ونجىلدىقتا كومىرسۋتەكتى شيكىزاتتى تۇتىنۋ دەڭگەيى ارتادى. ويتكەنى مۇناي- حيميا ونەركاسىبىن تۇتىنۋ كولەمى ەكى ەسە وسەدى دەپ كۇتىلۋدە. بۇل - شامامەن ەكى تريلليون دوللارلىق نارىق. سوندىقتان، مۇنايدى قايتا وڭدەۋ جانە مۇناي حيمياسى - ءبىزدىڭ ايماقتا كومىرسۋتەگى شيكىزاتىنىڭ ءىرى ەكسپورتتاۋشىلارىنىڭ ءبىرى رەتىندە زور ماڭىزعا يە. 2018 -جىل - قازاقستان تاريحىندا العاش رەت رەكوردتىق جىل رەتىندە تاريحتا قالدى. ناقتىراق ايتقاندا، مۇناي ءوندىرىسى 90 ميلليون توننانى قۇرادى. سونىمەن بىرگە، 56 ميلليارد تەكشە مەترگە جۋىق گاز ءوندىرىلدى. ياعني، بۇل ونەركاسىپ بەلسەندى دامىپ كەلەدى. بۇل ءۇش ءىرى م ءو ز- دە قايتا قۇرۋ جۇمىستارىنىڭ ءساتتى اياقتالعانىن بىلدىرەدى»، - دەدى ول ەلوردادا ءوتىپ جاتقان «ورتالىق ازياداعى مۇناي وڭدەۋ مەن مۇناي حيمياسى» اتتى حالىقارالىق كونفەرەنسيادا.
ونىڭ ايتۋىنشا، مودەرنيزاتسيانى ەسكەرە وتىرىپ، قازاقستان مۇناي وڭدەۋ كولەمىن جىلىنا 17 ميلليون تونناعا دەيىن ارتتىرۋدى كوزدەپ وتىر.
«وڭدەۋ تەرەڭدىگىنىڭ ارتۋىن، سونداي- اق K4, K5 كلاستى جانار- جاعارماي ماتەريالدارىنىڭ ساپاسىنىڭ سايكەستىگىن ەسكەرە وتىرىپ، ءبىز ىشكى نارىقتىڭ قاجەتتىلىكتەرىن قاناعاتتاندىرىپ قانا قويماي، سونىمەن قاتار جانار- جاعارماي نارىعىندا ەكسپورتتىق الەۋەتتىڭ يەسى بولدىق. سونىمەن بىرگە، ۇكىمەتتىڭ الدىندا شيكىزاتتىق ەمەس ەكسپورتتى 2025 -جىلعا قاراي ەكى ەسە ارتتىرۋ مىندەتى تۇر. ەكسپورتتىڭ ەداۋىر ۇلەسىن مۇناي- حيميا ونىمدەرى قۇرايدى»، - دەدى ول.
اۆتور: ايان بەكەن ۇلى