ورالدىق تۇرعىن 17 ميلليون تەڭگەسىن قايدا جاسىرعانىن ۇمىتىپ قالعان
باتىس قازاقستان وبلىستىق پوليتسيا دەپارتامەنتىنىڭ باسپا ءسوز قىزمەتىنەن تۇسكەن مالىمەتكە قاراعاندا، وقيعا 20 - مامىر كۇنى بولدى.
ورالدىق تۇرعىن ساعات 16.30 دا 102 تەلەفونىنا حابارلاسىپ، ۇيىندە ساقتاپ قويعان 17 ميلليون تەڭگەسىنىڭ جوعالىپ كەتكەنىن ايتادى.
وقيعا ورنىنا كەلگەن ورال قالاسى پوليتسيا باسقارماسىنىڭ تاجىريبەلى قىزمەتكەرلەرىنەن قۇرالعان جەدەل تەرگەۋ توبى اقشانى ىزدەۋگە كىرىسەدى.
تەحنيك- كريميناليست، پوليسيا سەرجانتى عاينەدەن عۇماروۆ اجەتحاناعا كىرىپ، مۇقيات قاراعان كەزدە پاكەتتى كوزى شالادى. سوندا ورالدىق تۇرعىننىڭ 2006 -جىلدان بەرى ءۇي الامىن دەپ جيناعان قارجىسى سالىنعان ەكەن.
كەيىن ءمالىم بولعانىنداي، ورالدىق تۇرعىن اقشاسىن قايدا جاسىرعانىن ۇمىتىپ قالعان. سودان كەيىن ونى ۇرلانىپ كەتتى دەپ ويلاپ، پوليسياعا حابار بەرگەن.
ايتا كەتەيىك، ع. عۇماروۆ پوليتسيا ساپىنا 2008 -جىلى كىرگەن. اتالعان قىزمەتىن 2016 -جىلدىڭ قاراشاسىنان بەرى اتقارىپ كەلەدى.