14:18, 16 - ءساۋىر 2019 | GMT +6
قازاقستاندا 17- ءساۋىر كۇنى تەلەراديو ارنالار حابار تاراتۋىن توقتاتادى
نۇر-سۇلتان. قازاقپارات - 2019-جىلعى 17- ءساۋىر كۇنى 03:00 دەن 17:00 گە دەيىن تەلەراديوحابار تاراتۋ سالاسىنداعى ۇلتتىق وپەراتور «قازتەلەراديو» ا ق سپۋتنيك، سيفرلىق جانە بالامالى ەفيرلىك جەلىلەردىڭ تەحنيكالىق قۇرالدارى سەرۆيسىن جاۋىپ، جوسپارلى پروفيلاكتيكالىق جۇمىستاردى جۇرگىزەدى، دەپ حابارلايدى قازاقپارات «قازتەلەراديو» ا ق- نا سىلتەمە جاساپ.
«قازتەلەراديو» ا ق ءار توقساندا سپۋتنيك جانە ەفيرلىك جەلىلەردىڭ تەحنيكالىق قۇرالدارى سەرۆيسىن جاۋىپ، جوسپارلى پروفيلاكتيكالىق جۇمىستاردى جۇرگىزەدى. اتالعان جۇمىستار ساپالى تەلەراديوحابار تاراتۋدىڭ ساپالى بولۋىن قامتاماسىز ەتۋ ءۇشىن قاجەت. توقساندىق جوسپارلى پروفيلاكتيكالىق جۇمىستار سەرۆيستى ۇزاق ۋاقىت بويى سوندىرۋگە مۇمكىندىك بەرەدى، وسى كەزەڭدە تەحنيكالىق قۇرالداردى جاڭعىرتۋ بويىنشا قوسىمشا جۇمىستار دا اتقارىلادى. ۋاقىتشا قولايسىزدىقتار ءۇشىن كەشىرىم وتىنەمىز»، - دەلىنگەن حابارلامادا.