كوشى-قون زاڭناماسىن 17 مىڭ شەتەل ازاماتى بۇزعان
بۇل تۋرالى قازاقپارات ءى ءى م باسپا ءسوز قىزمەتىنە سىلتەمە جاساپ حابارلايدى.
ءىس-شارا شەڭبەرىندە جەرگىلىكتى پوليتسيا قىزمەتىنىڭ ۋچاسكەلىك پوليتسيا ينسپەكتورلارى پاتەرلەردى جانە اۋلالاردى ارالادى، ازاماتتىق قارۋدى ساقتاۋ جاعدايلارى، سونداي-اق ىشكى ىستەر ورگاندارىندا ەسەپتە تۇرعان ادامداردى تەكسەردى.
ۋچاسكەلىك پوليتسيا ينسپەكتورلارى قىزمەت كورسەتەتىن ۋچاسكەدە ورنالاسقان ءوندىرىس وبەكتىلەرى، ۇيىمدار جانە مەكەمەلەردى تەكسەردى.
پوليتسيا بولىنىستەرىنىڭ كۇشتەرىمەن ساياجاي جانە كولىكجاي قوعامداستىقتارىنىڭ اۋماقتارى، بوس قالعان عيماراتتار مەن قۇرىلىستاردىڭ اۋماقتارى، جىلۋ تراسسالارى مەن قۇدىقتار جانە ت. ب. تەكسەردى.
«ۋچاسكە» وپەراتسياسىنىڭ باسىنان باستاپ 4 ميلليون 307 مىڭنان استام تۇرعىن ءۇي مەن ساياجايلاردى ارالاپ شىقتى. ناتيجەسىندە 232 مىڭنان استام اكىمشىلىك قۇقىق بۇزۋشىلىق انىقتالدى، ونىڭ ىشىندە 28 مىڭنان استام تىركەۋسىز تۇرۋ فاكتىسى، 17 مىڭنان اساتىن شەتەل ازاماتتارىنىڭ كوشى-قون زاڭناماسىن بۇزۋى، ونىڭ ىشىندە 1,7 مىڭنان استام شەتەل ازاماتى سوت شەشىمى بويىنشا ەلىمىزدەن شىعارىلدى.