جارتى جىلدا قازاقستاننان 17 مىڭ ادام كەتىپ قالعان
«كوشى- قون قىزمەتى ورگاندارى ۇسىنعان مالىمەتتەردى وڭدەۋ ناتيجەسىندە 2018 -جىلعى قاڭتار- ماۋسىمدا ەلىمىزگە تۇرعىلىقتى تۇرۋعا كەلگەندەردىڭ تىركەلۋ سانى 2017 -جىلعى قاڭتار- ماۋسىممەن سالىستىرعاندا 26,5 پايىزعا كەمىپ، 6368 ادام قۇرادى. ەلىمىزدەن كەتكەن كوشىپ- قونۋشىلاردىڭ تىركەلۋ سانى 14 پايىزعا كوبەيىپ، 17171 ادام قۇرادى، كوشى- قوننىڭ ايىرىمى -10803 ادام بولدى»، - دەلىنگەن حابارلامادا.
ۆەدومستۆو مالىمەتىنشە، ەلىمىزدەگى نەگىزگى كوشى-قون الماسۋى ت م د مەملەكەتتەرىمەن بولىپ جاتىر. ت م د ەلدەرىنەن كەلگەندەردىڭ ۇلەسى 77,2 پايىزى، ت م د ەلدەرگە كەتكەندەردىڭ ۇلەسى 89,7 پايىزدى قۇرادى. ءوڭىرارالىق كوشىپ- قونۋشىلاردىڭ ۇلەسىنە ەلىمىزدىڭ جالپى ىشكى كوشىپ- قونۋشىلار سانىنىڭ %44,9 كۇرادى.
ءوڭىرارالىق كوشى- قوننىڭ وڭ ايىرىمى: استانادا - 5748 ادام؛ الماتىدا - 17715 ادام؛ شىمكەنتتە - 43222 ادام. «2018 -جىلعى 1 -شىلدەگە ەلىمىزدەگى حالىق سانى 18272,4 مىڭ ادامدى قۇرادى، سونىڭ ىشىندە قالالىقتار - 10529,1 مىڭ (57,6پايىز)، اۋىلدىقتار - 7743,3 مىڭ ادامدى (42,4 پايىز) قۇرادى.
2017 -جىلعى 1 -شىلدەمەن سالىستىرعاندا حالىق سانى 238,1 مىڭ ادامعا نەمەسە 1,3 پايىزعا ءوستى. احات ورگاندارى ۇسىنعان ازاماتتىق حال اكتىلەرى جازبالارىنداعى مالىمەتتەردى وڭدەۋ ناتيجەسىندە، 2018 -جىلعى قاڭتار- ماۋسىمدا تۋىلعاندار سانى 192,7 مىڭ ادامدى قۇرادى، بۇل 2017 -جىلعى قاڭتار- ماۋسىمعا قاراعاندا 1,8 پايىزعا كوپ. تۋۋدىڭ جالپى كوەففيتسيەنتى 1000 ادامعا 21,26 تۋىلعانداردى قۇرادى»، - دەلىنگەن ۆەدومستۆونىڭ حابارلاماسىندا.
2018 -جىلعى قاڭتار- ماۋسىمدا رەسپۋبليكا حالقىنىڭ تابيعي ءوسىمى 2017 -جىلعى قاڭتار- ماۋسىممەن سالىستىرعاندا 3,3 مىڭ ادامعا نەمەسە 2,7 پايىزعا كوبەيىپ، 125,9 مىڭ ادامدى قۇرادى. تابيعي ءوسىمنىڭ جالپى كوەففيسيەنتى 1000 ادامعا شاققاندا 13,89 ادامدى قۇرادى. قاراستىرىلىپ وتىرعان كەزەڭدە قايتىس بولعاندار سانى 66,8 مىڭ ادامدى قۇرادى، بۇل 2017 -جىلعى قاڭتار- ماۋسىمعا قاراعاندا 0,1 پايىزعا كوپ.
ءولىم- ءجىتىمنىڭ جالپى كوەففيتسيەنتى 1000 ادامعا 7,37 قايتىس بولعانداردى قۇرادى. 2018 -جىلعى قاڭتار- ماۋسىمدا رەسپۋبليكادا 1 جاسقا دەيىنگى 1626 نارەستە ءولىمى تىركەلدى. 2017 -جىلعى قاڭتار- ماۋسىممەن سالىستىرعاندا 1 جاسقا دەيىنگى شەتىنەگەن نارەستە سانى 1,3 پايىزعا كوبەيدى. نارەستە ءولىم-ءجىتىمىنىڭ نەگىزگى سەبەبى - پەريناتالدىق كەزەڭدە پايدا بولاتىن جاعدايلار، بۇدان 2018 -جىلعى قاڭتار- ماۋسىمدا 782 نارەستە قايتىس بولىپ، نارەستەلەر اراسىنداعى جالپى ءولىم سانىنىڭ 48,1 پايىزىن قۇرادى.
تۋا بىتكەن اۋىتقۋلاردان 328 نەمەسە 20,2 پايىز، تىنىس ورگاندارى اۋرۋلارىنان -124 نەمەسە 7,6 پايىز، ينفەكسيالىق پەن پارازيتارلى اۋرۋلاردان - 86 نارەستە نەمەسە 5,3 پايىز جانە جازاتايىم جاعدايدان، ۋلانۋدان جانە جاراقاتتان - 73 نەمەسە 4,5 پايىز نارەستە قايتىس بولدى. 2018 -جىلعى قاڭتار- مامىردا نارەستە ءولىم-ءجىتىمىنىڭ كوەففيسيەتى 1000 تۋعاندارعا شاققاندا 8,44 قۇرادى.