شىمكەنت اۆتوكولىكتەرىنە «17» ءنومىرى بەرىلەدى - ق ر ءى ءى م

استانا. قازاقپارات - شىمكەنت قالاسىنىڭ اۆتوكولىكتەرىنە «17» مەملەكەتتىك ءنومىرى بەرىلىپ، جۇرگىزۋشى كۋالىكتەرىنە «Y» ليتەرى باسىلادى، دەپ حابارلايدى قازاقپارات ءتىلشىسى ق ر ءى ءى م اكىمشىلىك پوليتسيا كوميتەتىنىڭ باسپا ءسوز قىزمەتىنە سىلتەمە جاساپ.
«بۇگىن ىشكى ىستەر ءمينيسترىنىڭ بۇيرىعى رەسمي جاريالاندى. وعان سايكەس، ۆەدومستۆونىڭ كەيبىر نورماتيۆتىك-قۇقىقتىق اكتىلەرىنە وزگەرىس ەنگىزىلەدى. اتاپ ايتقاندا، شىمكەنت قالاسى ءوڭىرىن بەلگىلەۋ ءۇشىن «17» سانى قولدانىلادى. شىمكەنتتەن بەرىلەتىن جۇرگىزۋشى كۋالىكتەرىنە «Y» ليتەرى باسىلادى. تۇركىستان وبلىسى «13» مەملەكەتتىك نومىرىندە جانە «X» ليتەرىندە قالا بەرمەك»، - دەپ مالىمدەدى باسپا ءسوز قىزمەتى.
كوميتەت وكىلدەرىنىڭ ايتۋىنشا، اتالعان بۇيرىق بۇگىن عانا رەسمي جاريالاندى. رەسمي جاريالانعاننان كەيىن 10 كۇننەن سوڭ - 24- شىلدەدە كۇشىنە ەنەدى.
«سول كۇننەن باستاپ شىمكەنتتە تىركەلگەن كولىك قۇرالدارىنا جاڭا مەملەكەتتىك ءنومىر بەلگىلەرى بەرىلە باستايدى»، - دەيدى كوميتەت وكىلدەرى.
ەسكە سالا كەتەيىك، 2018-جىلعى 19- ماۋسىمدا قازاقستان پرەزيدەنتى نۇرسۇلتان نازاربايەۆ شىمكەنتكە رەسپۋبليكالىق ماڭىزى بار قالا مارتەبەسىن بەرگەن بولاتىن.
- كونستيتۋتسيالىق كەڭەس رەسپۋبليكا پرەزيدەنتىنىڭ ءوتىنىشى بويىنشا شەشىم شىعاردى
- مۇحتار تايجان: اۋىل شارۋاشىلىعى جەرىن جالعا بەرۋ تەتىگىن وزگەرتۋ كەرەك
- ەلباسى حالىقارالىق سپورت سايىستارىنىڭ جەڭىمپازدارىمەن كەزدەستى
- عىلىمي گرانتتاردى ءبولۋ تىكەلەي ەفيردە جۇرگىزىلەدى
-
كولىكتى راسىمدەۋگە كومەكتەسەتىن الاياقتار حالىقتى قالاي الدايدى
-
شىمكەنتتە كوپبالالى وتباسىلارعا جىلىنا ءبىر رەت 100 مىڭ تەڭگەدەن بەرىلەدى