08:50, 15 - اقپان 2018 | GMT +6
تويدان كەيىن 17 ادام ۋلانىپ، اۋرۋحاناعا ءتۇستى
استانا. قازاقپارات - قىرعىزستاننىڭ وش وبلىسىندا 17 ادام تاماقتان ۋلانىپ، اۋرۋحاناعا ءتۇستى، دەپ حابارلايدى كابار.
ەلدىڭ دەنساۋلىق ساقتاۋ مينيسترلىگىنىڭ حابارلاۋىنشا، ادامداردىڭ جاپپاي ۋلانۋ وقيعاسى تويدان كەيىن بولعان. تاعامنان ۋلانعانداردىڭ تورتەۋى 2015 -جىلى تۋعان بالالار. دارىگەرلەر ولاردىڭ جاعدايىن ورتاشا دەپ باعالاۋدا.
تويدا ۋلانعانداردىڭ سانى باسىندا ون ادام بولعان، كەيىن مينيسترلىك وكىلدەرى زارداپ شەكەندەر سانىنىڭ بۇدان دا كوپ بولۋى مۇمكىن ەكەندىگىن ايتتى.
الدىن الا زەرتتەۋ ناتيجەسىنە سايكەس، ادامدار قولدان جابىلعان كومپوتتان ۋلانۋى مۇمكىن. وقيعا تەكسەرىلىپ جاتىر.