USD 427.84 EUR 443.8
RUB 6.67 CNY 63.02
جاڭالىقتار

ەلوردادا ءبىر كۇندە 177 ادام توتەنشە جاعداي رەجيمىن بۇزدى

17 قاڭتار 12:48
:ءبولىسۋ
ەلوردادا ءبىر كۇندە 177 ادام توتەنشە جاعداي رەجيمىن بۇزدى

نۇر- سۇلتان. قازاقپارات - ەلوردادا ءبىر كۇندە 177 ادام توتەنشە جاعداي رەجيمىن بۇزدى. بۇل تۋرالى نۇر- سۇلتان قالاسى كومەنداتۋراسىنىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات ءتىلشىسى.

«ەلورداداعى جاعداي تۇراقتى. تۇنگى ساعات 23.00-دەن باستاپ تاڭعى 07.00-گە دەيىن كومەندانتتىق ساعات جالعاسۋدا. قالا پەريمەترى بويىنشا 6 بلوكبەكەت تاۋلىك بويى جۇمىس ىستەۋدە. ءبىر تاۋلىكتىڭ ىشىندە قالادا 9 قىلمىس تىركەلدى. 74 جول- كولىك وقيعاسى ورىن الىپ، ەكى ادام جاراقات الدى. 102 ارناسىنا 1732 استام قوڭىراۋ تۇسكەن. ولاردىڭ كوبى - انىقتامالىق سيپاتتاعى حابارلامالار. قالا تۇرعىندارىن اۋا- رايىنا بايلانىستى تاس جولدىڭ جاعدايى، بلوكبەكەتتەردىڭ جۇمىسى، سونداي- اق، قۇقىق بۇزۋشىلىق تۋرالى ماسەلەلەر قىزىقتىرۋدا»، - دەپ اتاپ وتەدى كومەنداتۋرادان.

ۆەدومستۆو مالىمەتىنشە، ەلوردادا ءبىر كۇندە 177 ادام توتەنشە جاعداي رەجيمىن بۇزدى. ولارعا قاتىستى ق ر ا ق ب ت ك- ءنىڭ 476-بابى بويىنشا اكىمشىلىك ءىس قوزعالدى. پروتسەسسۋالدىق شەشىمدى سوت قابىلدايدى. سونىمەن قاتار تاۋلىك ىشىندە كومەندانتتىق ساعات رەجيمىن بۇزعانى ءۇشىن 8 كاسىپكەرلىك سۋبەكتىسىنىڭ جۇمىسىنا توسقاۋىل قويىلدى. ەسىل اۋدانىندا 2 كوڭىل كوتەرۋ ورنى تاراپىنان كومەندانتتىق ساعاتتى بۇزۋ فاكتىسى انىقتالدى.

«Maestro» كاراوكە كلۋبى مەن «KINGDOM» رەستوبارى كومەندانت ساعاتىن ەلەمەي، ازاماتتاردى قابىلداعان. سونىمەن قاتار، كەنەسارى كوشەسىندەگى «دىشي» بارىندا دا 35 ادام بولعان.

«بارلىق ءتارتىپ بۇزۋشىلار پوليتسياعا جەتكىزىلىپ، ولارعا قاتىستى اكىمشىلىك ءىس قوزعالدى. مەكەمەلەردىڭ ليسەنزياسىن كەرى قايتارۋ ماسەلەسى قارالۋدا. قولدانىستاعى زاڭناماعا سايكەس توتەنشە جاعداي رەجيمىنىڭ تالاپتارىن بۇزعانى ءۇشىن جاۋاپكەرشىلىك كۇشەيتىلدى. ەلوردانىڭ كومەنداتۋراسى كومەندانتتىق ساعاتتى بۇزباۋدى، ازاماتتاردىڭ ءتارتىبى مەن تىنىشتىعىن ساقتاۋدى ەسكەرتەدى. بارلىق جاسالىپ جاتقان ءىس- شارالار سىزدەردىڭ قاۋىپسىزدىكتەرىڭىزدى قامتاماسىز ەتۋ جانە قوعامدىق ءتارتىپتى ساقتاۋ ءۇشىن جاسالىپ وتىر»، - دەلىنگەن تاراتىلعان اقپاراتتا.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات