قىتايدا كوروناۆيرۋستان كوز جۇمعاندار سانى 1770 ادامعا جەتتى

None
None
بەيجىڭ. قازاقپارات - قىتايدا كوروناۆيرۋستان كوز جۇمعاندار سانى 1770 ادامعا جەتتى، دەپ حابارلايدى قازاقپارات ق ح ر گيگيەنا جانە دەنساۋلىق ساقتاۋ ماسەلەلەرى جونىندەگى مەملەكەتتىك كوميتەتىنە سىلتەمە جاساپ.

وتكەن تاۋلىكتە (16- اقپان ساعات 24:00 دەگى جاعداي بويىنشا) ماتەريكتىك قىتايدا كوروناۆيرۋستىڭ جاڭا ءتۇرىن جۇقتىرۋدىڭ 2048 جاعدايى (حۋبەي پروۆينتسياسىندا -1933) انىقتالدى، 105 ءى - كوز جۇمدى (حۋبەيدە-100).

سوڭعى مالىمەتتەر بويىنشا، ق ح ر- دا كوروناۆيرۋس جۇقتىرۋ جاعدايلارىنىڭ راستالعان جالپى سانى 70 مىڭنان استى، قازا تاپقانى – 1770، ەمدەلىپ، اۋرۋحانادان شىعارىلعاندارى - 10 مىڭنان استام ادام.

رەسمي ستاتيستيكاعا سايكەس، ماتەريكتىك قىتايدا كوروناۆيرۋسپەن اۋىرعاندار سانى كۇن سايىن ەپيدەميانىڭ وشاعى بولىپ سانالاتىن حۋبەي پروۆينتسياسىنان تىس جەرلەردە ون ءۇشىنشى كۇن قاتارىنان تومەندەۋدە.

گونكونگتە كوروناۆيرۋس جۇقتىرۋ جاعدايلارىنىڭ راستالعان 57 فاكتىسى تىركەلدى، ماكاودا (ا و م ە ن) – 10، تايۆاندا - 20.

قازاقستانمەن شەكارالاسىپ جاتقان ق ح ر- دىڭ شىڭجاڭ-ۇيعىر اۆتونوميالىق ولكەسى (قىتاي) 75 جاڭا كوروناۆيرۋس وقيعاسى تىركەلدى، ونىڭ بىرەۋى كوز جۇمدى، 12 ءسى ەمدەلىپ شىقتى.

قازىرگى ۋاقىتتا ش ۇ ا ا ىلە-قازاق اۆتونوميالى وبلىسىندا (يكاو) 14 پاتسيەنت ەمدەلۋدە، ال شىڭجاڭ-ۇيعىر اۆتونوميالىق ولكەسىنىڭ اكىمشىلىك ورتالىعى ءۇرىمجى قالاسىندا - 19. جالپى، شىڭجاڭدا بەس مىڭنان استام ادام مەديتسينالىق باقىلاۋدا.


سوڭعى جاڭالىقتار