جامبىل جابايەۆتىڭ 175 جىلدىق مەرەيتويى باستالدى

None
None
نۇر- سۇلتان. قازاقپارات - قازاقستاندا جىر الىبى جامبىل جابايەۆتىڭ 175 جىلدىق مەرەيتويىن رەسمي تۇردە مەرەكەلەۋ باستالدى، دەپ حابارلايدى قازاقپارات ءتىلشىسى.

ق. قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنداعى مەرەيتويلىق جىلدىڭ سالتاناتتى اشىلۋىنا مادەنيەت جانە عىلىم قايراتكەرلەرى، الماتى جانە جامبىل وبلىستارىنىڭ دەلەگاتسيالارى كەلدى.

مەرەكەلىك كەشتىڭ قوناقتارى جاڭا تەاتر فويەسىندە ۇيىمداستىرىلعان جامبىل جابايەۆ مۋزەيىنىڭ ەكسپوزيتسياسىمەن تانىستى. ق ر مادەنيەت جانە سپورت ءمينيسترى اقتوتى رايىمقۇلوۆا سالتاناتتى ءىس- شارادا بايانداما جاسادى.

بيىل تاۋەلسىزدىكتىڭ 30 جىلدىعى اياسىندا جىر الىبى جامبىل جابايەۆتىڭ 175 جىلدىعى اتالىپ وتۋدە. مەملەكەت باسشىسى ق. ك. توقايەۆتىڭ جارلىعىمەن ۇلى اقىننىڭ مەرەيتويىن جوعارى دارەجەدە ۇيىمداستىرىپ مازمۇندىق دەڭگەيىن قامتاماسىز ەتۋ ماقساتىندا ارنايى مەملەكەتتىك كوميسسيا قۇرىلعان ەدى.


«قادىرلى زيالى قاۋىم! جامبىل قازاق ادەبيەتى مەن مادەنيەتىندە ەرەكشە ورنى بار الاتاۋداي اسقاق تۇلعا. جىل ءدۇلدۇلى، ەپيك اقىن رەتىندە قازاقتىڭ سۋىرىپ سالما يمپروۆيزاتورلىق ونەرىن بيىك شىڭعا شىعاردى. ءتول ونەرىمىز ايتىستىڭ ەرەكشەلىگى ءسوز تاپقىرلىق ەمەس، باتىلدىق، وتكىرلىك، شىندىققا تولى كوركەم بەينەلى سوزدەر تابىلىپ، قالىڭ جۇرتقا قوعامدىق ماسەلەنى ايقىن جەتكىزە الۋىمەن قۇندى. جامبىل ايتىسى ءاردايىم تەرەڭدىگىمەن، كوركەمدىگىمەن، تاريحي نەگىزدەرىمەن استارلى مازمۇنىمەن جۇرتتى باۋراپ العان ەدى»، - دەدى مينيستر ءوز بايانداماسىندا.

جامبىل قازاق ادەبيەتىندەگى تۋعان حالقىنىڭ ماقتانىشى عانا ەمەس، الەمدىك دەڭگەيدەگى جىر الىبىنا اينالدى. ولەڭدەرى دۇنيە ءجۇزىنىڭ قىرىقتان استام ەلدەرىنىڭ تىلدەرىنە اۋدارىلدى. اقىن شىعارماشىلىعى تۋرالى ر. تاگور، م. شولوحوۆ سىندى قايراتكەرلەر جوعارى باعالاعان.

«جامبىلدىڭ بيىلعى مەرەيتويىندا ايتۋلى اقىننىڭ ءومىرى مەن شىعارماشىلىعىن جالپى ۇلت ماقتانىشى رەتىندە عانا قاراستىرماي، جاس ۇرپاقتىڭ تاريحي تانىمىن كەڭەيتىپ، وتانسۇيگىشتىككە تاريبەلەۋدىڭ ىقپالدى قۇرالىنا اينالدىرۋ مەجەلەنىپ وتىر»، - دەدى ا. رايۆمقۇلوۆا.

ايتا كەتەيىك، قازاقستان رەسپۋبليكاسىنىڭ مەملەكەتتىك حاتشىسى، مەرەيتويدىڭ مەملەكەتتىك كوميسسياسىنىڭ ءتوراعاسى قىرىمبەك كوشەربايەۆ ەلورداداعى جامبىل ەسكەرتكىشىنە گۇل شوقتارىن قويعان ەدى.

بۇگىن ەلىمىزدەگى جانە شەت ەلدەردەگى قالالار مەن ەلدىمەكەندەردە جامبىل جابايەۆتىڭ ەسكەرتكىشتەرى مەن بيۋستتەرىنە گۇل شوقتارى قويىلدى، ءارقيلى مادەني شارالار وتكىزىلدى.

اۆتور: ايجان سەرىكجان قىزى

سوڭعى جاڭالىقتار