بىشكەكتە جىر الىبى جامبىلدىڭ 175 جىلدىعى اتاپ ءوتىلدى

بىشكەك. كابار- قازاقپارات - بىشكەكتەگى «ماناس» اكادەمياسىندا حالىقارالىق تۇركى اكادەمياسىنىڭ قاتىسۋىمەن جىر الىبى جامبىل جاباي ۇلىنىڭ 175 جىلدىعىنا ارنالعان كونفەرەنتسيا مەن كىتاپتاردىڭ تۇساۋكەسەرى ءوتتى، دەپ حابارلايدى قازاقپارات كابار اگەنتتىگىنە سىلتەمە جاساپ.

اكادەميك ءابدىلداجان اقماتالييەۆتىڭ ايتۋىنشا، جامبىل جۇباي ۇلىنىڭ 175 -جىلدىعى قىرعىزستاندا اتاپ وتىلە باستايدى، ويتكەنى ول قىرعىز اقىندارىنا وتە جاقىن بولعان.

«جابايەۆ قىرعىزدارعا وتە جاقىن بولدى. ونىڭ «قىز جىبەك» شىعارماسى بىزگە وتە تانىمال. ول ءبىزدىڭ اقىندارىمىز قالىقپەن، وسمونكۋلمەن، الىمكۋلمەن وتە تىعىز بايلانىستا بولدى، اقىندارىمىز كۋرەنكەيەۆپەن جاقىن دوس بولدى. ونىڭ شىعارمالارى ءبىزدىڭ مەكتەپتەردە، سونداي- اق جوعارى وقۋ ورىندارىندا وقىلادى. جامبىلدىڭ 175 جىلدىعىن قىرعىزستاندا اتاپ ءوتۋدىڭ دە ماڭىزى زور، ويتكەنى ول قىرعىزستاندا ۇزاق ۋاقىت تۇرىپ، جۇمىس ىستەگەن»، - دەدى اقماتاليەۆ.

كونفەرەنسياعا قىرعىز رەسپۋبليكاسى مادەنيەت جانە تۋريزم ءمينيسترىنىڭ مىندەتىن اتقارۋشى نۇرجىگىت قادىربەكوۆ، حالىقارالىق تۇركى اكادەمياسىنىڭ پرەزيدەنتى دارحان ءقىدىرالى، توپچۋبەك تۋرگۋناليەۆ، پارلامەنت دەپۋتاتتارى جانە مادەنيەت قايراتكەرلەرى قاتىستى.