+7 (701) 759 90 19
-21 °С : نۇر-سۇلتان
-2 °С : الماتى
USD 422.87 EUR 512.1
RUB 5.63 CNY 64.49
جاڭالىقتار

كوكشەتاۋدا ابايدىڭ 175 جىلدىعىنا ارنالعان حالىقارالىق كونفەرەنسيا ءوتتى

21 قازان 08:56
:ءبولىسۋ
كوكشەتاۋدا ابايدىڭ 175 جىلدىعىنا ارنالعان حالىقارالىق كونفەرەنسيا ءوتتى

كوكشەتاۋ. قازاقپارات - اقمولا وبلىسىندا ۇلى اقىن ابايدىڭ 175 جىلدىق مەرەيتويىنا ارنالعان شارالار جالعاسۋدا، دەپ حابارلايدى قازاقپارات ءتىلشىسى وبلىستىق ىشكى ساياسات باسقارماسىنا سىلتەمە جاساپ.

ۆەدومستۆونىڭ مالىمەتىنشە، «اباي تۇلعاسى: ۇلتتىق رۋحانيات جانە الەمدىك وركەنيەت» تاقىرىبىمەن ونلاين وتكەن حالىقارالىق كونفەرەنسياعا الىس جانە تاياۋ شەت ەلدەردەن تانىمال عالىمدار مەن مادەنيەت قايراتكەرلەرى، فيلولوگتار، تاريحشىلار، جاس زەرتتەۋشىلەر، جوعارى جانە ورتا ارناۋلى وقۋ ورىندارىنىڭ وقىتۋشىلارى قاتىستى. قاتىسۋشىلار الدىندا ءسوز سويلەگەن ايماق باسشىسى ەرمەك مارجىقپايەۆ ءوزىنىڭ شارانىڭ ماڭىزدىلىعىنا توقتالدى.

«ابايدىڭ مۇراسى - ول الەم مادەنيەتىنىڭ التىن قازىناسى، ونىڭ ەسىمى قازىرگى زامانداعى ۇلى اقىندارمەن قاتار تۇرادى. ابايدىڭ ۇلىلىعى ونىڭ شىعارماسىندا عانا ەمەس، ومىرلىك ۇستانىمدا، وتان سۇيگىشتىگىندە جاتىر. ءبىزدىڭ وبلىسىمىزدا جىل باستالعاننان بەرى ۇلى اقىننىڭ مۇراسىن ناسيحاتتاۋدا ءمانى مەن ماڭىزى زور شارالار وتكىزىلۋدە. بۇگىنگى كۇنگە دەيىن ءار ءتۇرلى فورماتتا كونفەرەنسيا، چەللەندج، بايقاۋ، كورمە-لەكتسيا، ادەبي كەش، دەكادا ءتارىزدى كوپتەگەن شارالار ۇيىمداستىرىلدى»، - دەپ اتاپ ءوتتى ايماق باسشىسى.

انكارانىڭ الەۋمەتتىك عىلىمدار ۋنيۆەرسيتەتى ساياسي عىلىمدار فاكۋلتەتى ءبولىمىنىڭ تۇركى الەمى ينستيتۋتىنىڭ ديرەكتورى مەريەم حاكيم، م. تورەزا اتىنداعى ماسكەۋ مەملەكەتتىك لينگۆيستيكا ۋنيۆەرسيتەتىنىڭ تاياۋ شەتەل جانە ت م د ەلدەرى ءتىلى مەن مادەنيەتى كافەدراسىنىڭ مەڭگەرۋشىسى جەنيشكۋل حۋلحاچيەۆا، و ش مەملەكەتتىك ۋنيۆەرسيتەتىنىڭ «جەتيگەن» مەكتەپ- ليتسەيىنىڭ ديرەكتورى كىيالبەك اكماتوۆ جانە وزگە تانىمال عالىمدار مەن تاريحشىلاردىڭ اباي جانە ونىڭ رۋحاني مۇراسى تۋرالى تاقىرىپتاردا باياندامالارى تىڭدالدى.

كونفەرەنسيا تاقىرىپتىق سەكتسيالىق ساباققا ۇلاستى.

ايتا كەتسەك، اقمولا وبلىسىندا 150 دەن استام كوشە، مەكتەپكە جانە ەلدى - مەكەنگە ابايدىڭ ەسىمى بەرىلدى. وسىدان بىرەر كۇن بۇرىن قازاق تىلىندە وقىتىلاتىن دارىندى بالالارعا ارنالعان وبلىستىق مامانداندىرىلعان 3№ مەكتەپ - ينتەرناتىنا اباي ەسىمى بەرىلگەنىن دە ايتا كەتكەن ءجون.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات