پاۆلوداردا ابايدىڭ 175 جىلدىعىنا وراي ونلاين مارافون وتەدى

None
None
پاۆلودار. قازاقپارات - مارافونعا قاتىسۋشىلار 40 كۇندە 175 شاقىرىم جۇگىرىپ ءوتۋى ءتيىس، دەپ حابارلايدى pavlodarnews.kz.

ۇلى اقىن، اعارتۋشى ابايدىڭ 175 جىلدىعىنا ارنالعان ونلاين مارافوندى پاۆلودار وبلىسىنىڭ مادەنيەت، تىلدەردى دامىتۋ جانە ارحيۆ ءىسى باسقارماسى مەن Ertis Runners كلۋبى وتكىزۋدە.

«مارافوننىڭ باستى شارتى - 1- شىلدە مەن 10- تامىز ارالىعىندا 175 شاقىرىم جۇگىرۋ، - دەدى Ertis Runners كلۋبىندا.

- بۇعان كەز كەلگەن ادام قاتىسا الادى. ءتىپتى اۋىلدىق جەرلەردەگى ادامداردىڭ دا قاتىسۋىنا مۇمكىندىك بار. قاي جەردە، ءبىر كۇندە قانشا شاقىرىم جۇگىرەتىنىن وزدەرى بىلەدى.

قانشا قاشىقتىق جۇگىرگەندەرى تۋرالى Whatsapp ارقىلى بىزگە جىبەرەدى. ءبىز دەرەكتەردى ارنايى باعدارلامادا تىركەپ وتىرامىز. 10- تامىزعا دەيىن 175 شاقىرىمعا جەتسە بولعانى. Ertis Runners جۇگىرۋ كلۋبىندا جەڭىمپازدار 3 نوميناتسيا بويىنشا ماراپاتقا يە بولاتىنىن ايتتى.

«قاتىسۋشىلار اراسىنان «ەڭ جىلدام»، «الەۋمەتتىك جەلىدەگى ەڭ بەلسەندى» نوميناتسيالارى بويىنشا سىيلىقتار ۇلەستىرىلەدى. ءۇشىنشى نوميناتسيا الداعى ۋاقىتتا جاريالانادى. قاتىسۋشىلارعا قۇندى كىتاپتار سىيعا تارتىلىپ، بەلسەندىلەرگە ارنايى سىيلىقتار بەرىلەدى»، - دەدى كلۋبتا.

ونلاين مارافونعا قاتىسۋ ءۇشىن 1000 تەڭگە تولەنۋى ءتيىس. قازىرگى ۋاقىتتا مارافونعا 40 قا جۋىق ادام تىركەلگەن. قاتىسۋ ءۇشىن ءوتىنىشتى WhatsApp ارقىلى 87054003441 نومىرىنە جولداۋعا بولادى.


سوڭعى جاڭالىقتار