اباي - 175 جىل: ەلىمىزدە ءبىرىڭعاي پاراسات ساعاتى وتەدى

نۇر-سۇلتان. قازاقپارات - سىبايلاس جەمقورلىققا قارسى ءىس-قيمىل اگەنتتىگى وقۋشىلار اراسىندا «پاراسات ساعاتى» رەسپۋبليكالىق اكسياسىن وتكىزەدى، دەپ حابارلايدى قازاقپارات.

وسى جىلدىڭ 18-مامىرىندا ءداستۇرلى «پاراسات ساعاتى» كەزدەسۋى ونلاين فورماتتا وتكىزىلەدى. «اباي قۇنانبايەۆتىڭ 175 جىلدىعىن ەسكەرە وتىرىپ، «پاراسات - ۇلى ابايدىڭ مۇراسى» تاقىرىبىندا ونلاين ءدارىس وتەدى. ءدارىس وسكەلەڭ ۇرپاقتى ادال جانە پاراساتتى بولۋعا شاقىرعان ۇلى ويشىلعا ارنالعان. وسى اكتسياعا ەلىمىزدىڭ ​ 9-11-سىنىپ وقۋشىلارى جانە جوعارى وقۋ ورىندارى مەن كوللەدجدەردىڭ ءبىرىنشى كۋرس ستۋدەنتتەرى قاتىسادى»، - دەلىنگەن اگەنتتىكتىڭ باسپا ءسوز حابارلاماسىندا.

«پاراسات - ۇلى ابايدىڭ مۇراسى» ونلاين ءدارىسى «Elarna « جانە «Balapan» ارنالارىندا، Youtube كانالدا، سونداي-اق، اگەنتتىكتىڭ جانە ونىڭ اۋماقتىق دەپارتامەنتتەرىنىڭ، «Adaldyq alańy» جوبالىق كەڭسەلەرىنىڭ الەۋمەتتىك جەلىسىندە تاراتىلادى.