+7 (701) 759 90 19
22 °С : نۇر-سۇلتان
26 °С : الماتى
USD 412.55 EUR 465.73
RUB 5.79 CNY 58.91
جاڭالىقتار

اباي 175 جىل: بەردىبەك ساپاربايەۆ كوپشىلىكپەن بىرگە كونسەرت-كومپوزيتسيانى تاماشالادى

27 اقپان 08:29
:ءبولىسۋ
اباي 175 جىل: بەردىبەك ساپاربايەۆ كوپشىلىكپەن بىرگە كونسەرت-كومپوزيتسيانى تاماشالادى

تاراز. قازاقپارات - ويشىل اقىن اباي قۇنانبايەۆتىڭ 175 جىلدىعىنا وراي تاراز قالاسىنداعى «بالاساعۇن» ورتالىق كونسەرت زالىندا «جەلسىز تۇندە جارىق اي» اتتى كونسەرت-كومپوزيتسيا ءوتتى.

تۇلعا مەرەيتويىنىڭ وڭىردە رەسمي تۇردە باستاۋ الۋىنا ارنالعان سالتاناتتى شارانى وبلىس اكىمى بەردىبەك ساپاربايەۆ كوپشىلىكپەن بىرگە تاماشالادى، - دەپ حابارلايدى قازاقپارات.

شارا اياسىندا اتالعان كونسەرت زالىنىڭ فوەسىنە اقىن مۇرالارىنان ازىرلەنگەن كورمە جاساقتالدى.

كەشتە ك. ازىربايەۆ اتىنداعى وبلىستىق فيلارمونيا مەن ا. توقپانوۆ اتىنداعى وبلىستىق قازاق دراما تەاترىنىڭ شىعارماشىلىق ۇجىمى ونەرلەرىن ورتاعا سالدى. جينالعان جۇرتشىلىق نازارىنا ەڭ الدىمەن LED ەكران ارقىلى «تاريح. تاعدىر. تۇلعا» اتتى دەرەكتى فيلم ۇسىنىلدى.

ال نەگىزگى ادەبي سازدى ءىس-شارا تانىمال ديريجەر اداي جۇمات ديريجەرلىك ەتكەن قازاق ۇلت اسپاپتار وركەسترىنىڭ ورىنداۋىنداعى ابايدىڭ «تورجورعا» كۇيىمەن اشىلدى. «مەرەي» توبى جانە «شولپى» ءبي ءانسامبلى «جەلسىز تۇندە جارىق اي» ءانىن جۇرەككە جەتكىزسە، «ولەڭ - ءسوزدىڭ پاتشاسى، ءسوز ساراسى» تۋىندىسىن وبلىستىق تەاتر ارتىستەرى ناقىشىنا كەلتىرە وقىتىپ، جان تەبىرەنتتى.

مادەنيەت سالاسىنىڭ ۇزدىگى جاناتبەك كادىروۆ قازاق ۇلت اسپاپتار وركەسترىنىڭ سۇيەمەلدەۋىمەن حاكىمنىڭ ايگىلى «كوزىمنىڭ قاراسى» ءانىن شارىقتاتا شىرقادى. ودان كەيىن تەاتر ارتىستەرى ابايدىڭ «جىگىتتەر، ويىن ارزان، كۇلكى قىمبات»، «قاجىماس دوس حالىقتا جوق»، «سەگىز اياق» تۋىندىلارىنان قۇرالعان اسەرلى كومپوزيتسيانى ساحانالاپ، كوپشىلىكتىڭ قوشەمەتىنە بولەندى.

مادەنيەت سالاسىنىڭ ۇزدىگى ايگۇل ماقاشيەۆا جانە سۇلۋجان ابەنوۆا «سەگىز اياق» ءانىن ورىنداپ، سەزىم پەرنەلەرىن ءدوپ باسسا، تەاتر ارتىستەرى «اباي مەن توعجاننىڭ»، «اباي مەن ايگەرىمنىڭ» پوەتيكالىق كورىنىستەرىن عاجاپ سومداپ، كوپشىلىكتىڭ قوشەمەتىنە بولەندى.

اباي وپەراسىنان «اجاردىڭ ارياسى»، اقىننىڭ ا. پۋشكيننەن اۋدارعان «ە. ونەگيننىڭ تاتياناعا جازعان حاتى»، «ايتتىم سالەم، قالامقاس» اتتى سازدى شىعارمالارى دا، «ەسىڭدە بار ما جاس كۇنىڭ؟»، «عاشىقتىڭ ءتىلى ءتىلسىز ءتىل»، «ساپ، ساپ، كوڭىلىم، ساپ، كوڭىلىم!»، «ولسەم ورنىم قارا جەر سىز بولماي ما؟» اتتى تەرەڭ فيلوسوفيالىق ءھام ليريكالىق ولەڭدەرى دە كوڭىل تەربەتتى.

شارا سوڭىندا ونەرپازدارعا ءوڭىر باسشىسى بەردىبەك ماشبەك ۇلىنىڭ ىقىلاس گۇلى سالتاناتتى تۇردە تابىس ەتىلدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات