+7 (701) 759 90 19
27 °С : نۇر-سۇلتان
28 °С : الماتى
USD 411.66 EUR 465.92
RUB 5.81 CNY 58.79
جاڭالىقتار

ابايدىڭ 175 جىلدىعى: الماتىدا جاستار زياتكەرلىك كۆەستكە قاتىستى

20 اقپان 17:15
:ءبولىسۋ
ابايدىڭ 175 جىلدىعى: الماتىدا جاستار زياتكەرلىك كۆەستكە قاتىستى

الماتى. قازاقپارات - بۇگىن الماتىدا رەسپۋبليكا سارايىندا عۇلاما اقىننىڭ ءومىرى مەن شىعارماشىلىعىنا ارنالعان «اباي الەمدىك عاجايىپ تۇلعا» اتتى ادەبي سازدى كەش ءوتتى، دەپ حابارلايدى قازاقپارات ءتىلشىسى.

كورمەدە حاكىم ابايدىڭ ءار ءتۇرلى ليريكالار جانە ساتيرالىق ولەڭدەرى، پەيزاجدىق ەسكيزدەرى، «قارا سوزدەرى»، ورىس جانە شەتەلدىك اۆتورلاردىڭ اۋدارمالارى قويىلدى.


سونىمەن قاتار، كوپشىلىكتىڭ نازارىنا ابايدىڭ دومبىراسىنىڭ ءتۇپنۇسقاسى ۇسىنىلدى. كونە جادىگەر ىقىلاس اتىنداعى حالىق مۋزىكالىق اسپاپتارى مۋزەيىنەن جەتكىزىلگەن.

پوەزيا اۋەسقويلارىنا «پوەتيكالىق ميكروفون: پوەزيا - ءتىلدىڭ بيلەۋشىسى» الاڭىندا «الماتى قالاسى ورتالىقتاندىرىلعان كىتاپحانا جۇيەسىنىڭ» وقىرماندارى مەن تانىمال اقىندار ابايدىڭ ولەڭدەرىن وقىدى.


مەدەۋ اۋدانىندا ورنالاسقان مادەني ۇيىمداردىڭ وكىلدەرى انشىلەر، اقىندار، اكتەرلەر اباي مۇرالارىنان ءان- كۇيدەن شاشۋ شاشىپ، قويىلىم كورسەتتى.

ستۋدەنتتەر، مەكتەپ وقۋشىلارى ويىن الاڭىنا «ابايدىڭ شىعارمالارىن بىلەسىز بە؟» زياتكەرلىك كۆەستىنە قاتىستى.


اباي پوەزياسىن سۇيەتىندەر ءۇشىن بەلگىلى اقىندار مەن جازۋشىلاردىڭ قاتىسۋىمەن «ۇلى مۇرانى ساقتاۋ» ماستەر- كلاسى جانە قولونەر شەبەرلەرىنىڭ كورمەسى ۇيىمداستىرىلدى.

«ادامزاتتىڭ الىبى - حاكىم ابايدىڭ تۋعانىنا 175 جىل تولۋىنا وراي ەلىمىزدە مەملەكەت باسشىسى جارلىعىمەن ابايدىڭ 175 جىلدىعىن رەسپۋبليكالىق كولەمدە كەڭ اۋقىمدا مەرەكەلەۋ قولعا الىندى. ق ر مەملەكەت باسشىسى ايتپاقشى، بۇل تويلاۋ ءۇشىن ەمەس رۋحاني جاڭعىرۋ ءۇشىن جاسالىپ جاتىر. سوعان بايلانىستى رەسپۋبليكا سارايىنىڭ كىرەبەرىسىندە «اباي الەمى» اتتى ادەبي سازدى كەش وتكىزىپ جاتىرمىز. ساحنادا «الاتاۋ» ءداستۇرلى تەاتر ورىنداۋىندا اباي اندەرىنە ارنالعان ارنايى قويىلىم قويىلدى. اباي ءرولىن اكتەرلەر ساحنالاپ جاتىر»، - دەدى مەدەۋ اۋداندىق مادەنيەت جانە تىلدەردى دامىتۋ باسقارماسىنىڭ باسشىسى ساكەن ارالبايەۆ.


مەرەكەلىك كەش سوڭىندا 40 جۋىق ابايدىڭ ۇرپاعى «كوزىمنىڭ قاراسى» ءانىن حورمەن ورىندادى. ادەبي سازدى كەش فلەشموبپەن اياقتالدى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات