+7 (701) 759 90 19
-24 °С : نۇر-سۇلتان
-2 °С : الماتى
USD 387.37 EUR 428.55
RUB 6.06 CNY 55.06
جاڭالىقتار

سەمەيدە ابايدىڭ 175 جىلدىعىنا دايىندىق باستالىپ كەتتى

18 قازان 09:46
:ءبولىسۋ
سەمەيدە ابايدىڭ 175 جىلدىعىنا دايىندىق باستالىپ كەتتى

سەمەي. قازاقپارات - سەمەيدە اباي قۇنانباي ۇلىنىڭ 175 جىلدىعى قارساڭىندا ءبىرقاتار جۇمىستار لەگى باستالىپ كەتتى، دەپ حابارلايدى قازاقپارات قالالىق اقپاراتتىق ورتالىعىنا سىلتەمە جاساپ.

بۇگىندە مەملەكەتتىك ستاندارت قابىلدانعان. سوعان سايكەس، جول جيەگىندە ورنالاسقان اسحانالارعا سانيتارلىق تالاپتارعا ساي بولۋى مىندەتتەلەدى. سونداي-اق، كارىز جۇيەلەرى قوسىلىپ، ىستىق سۋمەن قامتاماسىز ەتىلۋى ءتيىس. وسىعان وراي، قالا اكىمدىگى باسشىلارى كەلۋشىلەرگە تولىققاندى زاماناۋي قىزمەتتى كورسەتۋ جونىندە اقپار بەرۋ ءۇشىن ارنايى قۇرىلعان جۇمىس توبىمەن رەيد وتكىزدى.

«ءبىز وسى جاعدايلاردى الدىن الۋ ماقساتىمەن وبەكتىلەر يەلەرىنە كونسۋلتاتيۆتى تۇردە كومەك كورسەتتىك. ارنايى قۇرىلعان جۇمىس توبىمەن بىرگە، ياعني سەس مەكەمەسى، ت ج مەكەمەسى جانە سالالىق بولىمدەرمەن بىرىگىپ، وسكەمەن تراسساسى بويىنداعى بىرنەشە وبەكتىلەردە بولدىق. ولار «بوراندى بەكەت»، «تەرەڭ-قۇدىق»، «فايزا»، «پەرەكرەستوك»، «ۋ ۆيتكا». كەيبىر اسحانالار كەلۋشىلەر ءۇشىن قولايلى جاعداي جاساپ، بارلىق سانيتارلىق- گيگيەنالىق تالاپتارعا ساي جۇمىستارىن جۇرگىزىپ، كارىز جۇيەلەرىن تارتتىرعان. ال باسقالارى ەندى كىرىسىپ، قالپىنا كەلتىرۋ جۇمىستارىن جۇرگىزىپ جاتىر. ولار جۇمىستى جىلدىڭ سوڭىنا دەيىن تولىق اياقتايمىز دەپ سەندىردى»، - دەيدى سەمەي قالاسىنىڭ دەنە شىنىقتىرۋ جانە سپورت ءبولىمىنىڭ تۋريزمدى دامىتۋ سەكتورىنىڭ مەڭگەرۋشىسى ازامات امانگەلدى ۇلى.

جوعارىدا اتاپ وتكەندەي، كەلەر جىلى مەرەيتويعا بايلانىستى شەتەلدەردەن تۋريستەر كەلەدى. ولارعا تولىق مۇمكىنشىلىك جاسالىپ، سەرۆيستىك قىزمەت كورسەتۋ دەڭگەيىن ارتتىرۋ كوزدەلىپ وتىر.


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات