USD 436.29 EUR 492.83
RUB 5.92 CNY 68.48
جاڭالىقتار

#اباي175: كونستيتۋتسيالىق كەڭەستىڭ ءتوراعاسى قايرات ءمامي چەللەندجگە قاتىستى

6 تامىز 15:54
:ءبولىسۋ
#اباي175: كونستيتۋتسيالىق كەڭەستىڭ ءتوراعاسى قايرات ءمامي چەللەندجگە قاتىستى

نۇر-سۇلتان. قازاقپارات - كونستيتۋتسيالىق كەڭەستىڭ ءتوراعاسى قايرات ءمامي اباي شىعارماشىلىعىنا ارنالعان ەستافەتاعا ءۇن قوستى، دەپ حابارلايدى قازاقپارات كونستيتۋتسيالىق كەڭەستىڭ باسپا ءسوز قىزمەتىنە سىلتەمە جاساپ.

كونستيتۋتسيالىق كەڭەستىڭ ءتوراعاسى قايرات ءمامي «Burabay Forum: قازاقستاننىڭ حالىقارالىق ىنتىماقتاستىعى» اتتى جاس عالىمداردىڭ Ⅲ حالىقارالىق فورۋمىنىڭ جالپى وتىرىسىنا قاتىستى. 12 ەلدىڭ جاس عالىمدارى الدىندا ءسوز سويلەۋ بارىسىندا قايرات ءمامي اباي قۇنانبايەۆتىڭ 175 جىلدىعىنا ارنالعان ەستافەتانى جالعاستىرىپ، ۇلى اقىننىڭ 38- قارا سوزىنەن ءۇزىندى كەلتىردى.

وندا «اۋەلى ادامنىڭ ادامدىعى اقىل، عىلىم دەگەن نارسەلەرمەنەن. قاشان ءبىر بالا عىلىم، ءبىلىمدى ماحابباتپەنەن كوكسەرلىك بولسا، سوندا عانا ونىڭ اتى ادام بولادى. مال، ماقتان، عيززات- قۇرمەت ادامدى ءوزى ىزدەپ تاپسا، ادامدىقتى بۇزبايدى ءھام كورىك بولادى. حاكىمدەر ۇيقى، تىنىشتىق، اۋەس-قىزىقتىڭ ءبارىن قويىپ، ادام بالاسىنا پايدالى ءىس شىعارماقلىعىنا، ياعني ادام بالاسىنىڭ اقىل-پىكىرىن ۇستارتىپ، حاق پەنەن باتىلدىقتى ايىرماقتى ۇيرەتكەندىگى، ءبىزدىڭ ولارعا مىندەتكەرلىگىمىزگە داۋ جوق»، دەلىنگەن.

قايرات ءمامي وسى اسىل مۇرانى تىلگە تيەك ەتە وتىرىپ، جاستاردىڭ بارلىق ىزدەنىستەرىنە ساتتىلىك تىلەدى.

قاتىسۋشىلارعا ارنالعان العى سوزىندە كونستيتۋتسيالىق كەڭەستىڭ ءتوراعاسى قازاقستاندا جاس عالىمداردىڭ حالىقارالىق فورۋمىن وتكىزۋ جاقسى داستۇرگە اينالعانىن اتاپ ءوتتى. فورۋم عىلىم، ءبىلىم بەرۋ جانە يننوۆاتسيالار سالاسىنداعى وزەكتى ماسەلەلەردى تالقىلاۋ بويىنشا بەدەلدى پىكىرتالاس الاڭىنا اينالعان.

سپيكەر رەسپۋبليكانىڭ تۇڭعىش پرەزيدەنتى - ەلباسى ن. ءا. نازاربايەۆ باستاما جاساعان، قازاقستاندىقتاردىڭ جاس بۋىنىنا شەتەلدە جوعارى ءبىلىم الۋعا بىرەگەي مۇمكىندىك بەرەتىن «بولاشاق» ستيپەندياسىنىڭ ماڭىزدىلىعىن اتاپ ءوتتى. ونىڭ ايتۋىنشا، قارقىندى دامۋ مەن زاماناۋي سىن- قاتەرلەر قوعام مەن مەملەكەت الدىندا جاڭا مىندەتتەر قويادى.

«بۇل پروتسەستە ساياسي- قۇقىقتىق، ەكونوميكالىق جانە مادەني- گۋمانيتارلىق سالالار ەۆوليۋتسياسىنىڭ ۆەكتورلارىن ايقىندايتىن كونستيتۋتسيا ماڭىزدى ءرول اتقارادى. عىلىمي زەرتتەۋلەردىڭ ناتيجەلەرى كونستيتۋتسيادا بەكىتىلگەن جالپى ادامزاتتىق قۇندىلىقتاردى جۇزەگە اسىرۋعا قىزمەت ەتۋى ءتيىس»، - دەدى قايرات ءمامي.

ايتا كەتەرلىگى، ق ر پرەزيدەنتى قاسىم-جومارت توقايەۆ ابايدىڭ 175 جىلدىعىنا ارنالعان 9 جاسار مەكتەپ وقۋشىسىنىڭ ەستافەتاسىن قابىل الىپ، ونى ءبىلىم جانە عىلىم ءمينيسترى اسحات ايماعامبەتوۆكە جانە بۇكىل الەمدى مويىنداتقان تالانتتى ءانشى ديماش قۇدايبەرگەنگە جولداعان ەدى. كەيىن چەللەندجگە قوعام جانە مادەنيەت قايراتكەرلەرى، بەلگىلى تۇلعالار دا قاتىستى.


#الةم  
:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات