ابايدىڭ 175 جىلدىعىن وتكىزۋ جونىندەگى مەملەكەتتىك كوميسسيانىڭ العاشقى وتىرىسى وتۋدە
جيىن بارىسىندا حالىقارالىق، رەسپۋبليكالىق جانە وڭىرلىك دەڭگەيدەگى 500-گە جۋىق ءتۇرلى شارا قامتىلعان اباي قۇنانباي ۇلىنىڭ 175 جىلدىق مەرەيتويىنا دايىندالۋ مەن وتكىزۋ جونىندەگى جالپى رەسپۋبليكالىق جوسپاردىڭ جوباسى قارالدى.
وسى ورايدا، نۇر- سۇلتان قالاسىندا حالىقارالىق عىلىمي- تاجىريبەلىك كونفەرەنسيا، «اباي» كوركەم فيلمىنىڭ شىعارىلىمى، اباي شىعارمالارىنىڭ شەت تىلدەرىنە اۋدارىلىمى ەسكەرىلگەن. سونىمەن قاتار، اباي ءۇيى- مۋزەيىنىڭ جان- جاقتى تىنىستىرىلىمى شاراسىن وتكىزۋ، ابايدىڭ «جيدەباي- ءبورىلى» مەملەكەتتىك تاريحي- مادەني جانە ادەبي- مەموريالدىق قورىق- مۋزەيىنىڭ عىلىمي- رەستاۆراتسيالىق جۇمىستارىن جۇرگىزۋ، قۇنانبايدىڭ تۇلعالىق ماڭىزدىلىعى مەن تاريحي- مادەني ءرولىن ارتتىرۋ شارالارىن قابىلداۋ قامتىلعان.
بۇعان قوسا، بۇگىندە الەۋمەتتىك جەلىلەردە ءساتتى ىسكە اسىرىلعان #Abai175 چەللەندجى جاھاندىق فورماتتا جالعاسىن تاباتىن بولادى.
مەملەكەتتىك كوميسسيانىڭ وتىرىسىندا گ. ءابدىقالىقوۆا مەرەيتويدى ۇيىمداستىرۋعا قاتىستى مەملەكەتتىك ورگاندارعا ءبىرقاتار تاپسىرمالار بەردى.
ايتا كەتەيىك، 30 - مامىردا «اباي قۇنانباي ۇلىنىڭ 175 جىلدىق مەرەيتويىن مەرەكەلەۋ تۋرالى» ق ر پرەزيدەنتى قاسىم- جومارت توقايەۆتىڭ جارلىعى شىقتى. وسى رەتتە دايىندىق جۇمىستارى مەن مەرەيتويدى وتكىزۋگە بايلانىستى مەملەكەتتىك كوميسسيا قۇرىلدى. ونىڭ قۇرامىنا پارلامەنت دەپۋتاتتارى، كورنەكتى جازۋشىلار مەن قوعام قايراتكەرلەرى، ورتالىق مەملەكەتتىك ورگانداردىڭ باسشىلارى، شىعارماشىلىق قوعام وكىلدەرى ەندى.
اۆتور: رۋسلان عابباسوۆ