ابايعا 175 جىل: اقىن ولەڭدەرىن وقۋ ەستافەتاسىنا ەتنوس وكىلدەرى كوپتەپ تارتىلادى
جانسەيىت قانسەيىت ۇلى اسسامبلەيانىڭ اتقارىپ وتىرعان جۇمىستارىن جان-جاقتى تانىستىرا كەلە، «Qazaqstan» ۇلتتىق ارناسىنىڭ ەتنوسارالىق كەلىسىم مەن قوعامداعى تولەرانتتىلىقتى جانە حالىق بىرلىگىن نىعايتۋ جولىنداعى زور ۇلەسىن اتاپ ءوتتى.
ۇدايى اقپاراتتىق قولداۋ كورسەتىپ وتىرعان باسقارما ءتوراعاسى ءلاززات مۇرات قىزىنا ايرىقشا العىس ءبىلدىرىپ، قوعامدىق كەلىسىم مەن جالپى ۇلتتىق بىرلىكتى نىعايتۋعا قوسقان ۇلەسى ءۇشىن قازاقستان حالقى اسسامبلەياسىنىڭ «مەيىرىم» توسبەلگىسىمەن ماراپاتتادى.
ءلاززات مۇرات قىزى ءوز كەزەگىندە «قازاقستان» ۇلتتىق ارناسىنىڭ ەفيرىنەن اپتا سايىن شىعاتىن جارتى ساعاتتىق «مەنىڭ قازاقستانىم» باعدارلاماسىنىڭ ماڭىزدىلىعىنا توقتالىپ، الداعى جوسپارلارىمەن ءبولىستى.
كەزدەسۋ سوڭىندا «تاڭشولپان» اقپاراتتى-سازدى باعدارلاماسى ارقىلى قازاقستان پرەزيدەنتى قاسىم-جومارت توقايەۆتىڭ تاراپىنان قولداۋ تاپقان اباي قۇنانبايەۆتىڭ 175 جىلدىعىنا وراي اقىن ولەڭدەرىن وقۋ ەستافەتاسىنا ەتنوس وكىلدەرىن كوپتەپ تارتۋ ماسەلەسى كەلىسىلدى.