ابايدىڭ 175 جىلدىعىندا 500 گە جۋىق ءىس- شارا وتكىزىلمەك
بۇگىن نۇر- سۇلتان قالاسىندا ق ر پرەمەر- ءمينيسترىنىڭ ورىنباسارى گۇلشارا ءابدىقالىقوۆانىڭ توراعالىعىمەن 2020 -جىلى قازاق حالقىنىڭ ۇلى اقىنى، اعارتۋشىسى اباي قۇنانباي ۇلىنىڭ تۋعانىنا 175 جىلدىق مەرەيتويىن دايىنداۋ جانە وتكىزۋ جونىندەگى مەملەكەتتىك كوميسسيانىڭ العاشقى وتىرىسى ءوتتى.
بيىل 30 - مامىردا «اباي قۇنانباي ۇلىنىڭ 175 جىلدىق مەرەيتويىن مەرەكەلەۋ تۋرالى» ق ر پرەزيدەنتى قاسىم- جومارت توقايەۆتىڭ جارلىعى بەكىتىلدى. مەرەيتويدى دايىنداۋ جانە وتكىزۋ جونىندەگى مەملەكەتتىك كوميسسيا قۇرىلدى. ونىڭ قۇرامىنا پارلامەنت دەپۋتاتتارى ب. جۇماعۇلوۆ، س. ءابدىراحمانوۆ، كورنەكتى جازۋشىلار مەن قوعام قايراتكەرلەرى و. سۇلەيمەنوۆ، ر. سەيسەنبايەۆ م. اۋەزوۆ، ورتالىق مەملەكەتتىك ورگانداردىڭ باسشىلارى، سونداي- اق ەلىمىزدىڭ اكادەميالىق جانە شىعارماشىلىق قاۋىمىنىڭ وكىلدەرى ەندى.
ۆيتسە- پرەمەر وتىرىستىڭ اشىلۋىندا ەلباسى نۇرسۇلتان نازاربايەۆتىڭ سوزدەرىنە كوڭىل اۋدارتتى.
«اباي الەم مويىنداعان دانا ۇستاز، اقىن جانە ادامزاتتىڭ دانىشپانى. دانىشپان ابايدىڭ ۇلىلىعى مەن ەرەكشەلىگى، تاباندىلىق پەن ماقساتتىلىقتى دارىپتەي جانە ونىڭ ءوز ۇلتىنىڭ ساناسىنا ەنگىزە وتىرىپ، ۇلتتىق رۋحتى بۇرىن- سوڭدى بولماعان بيىكتىككە كوتەرە الدى. ءبىز ابايدىڭ بويىنان تابىلاتىن تۇلعاعا لايىقتى، ماقتان تۇتاتىن رۋحاني تىرەگىمىزدىڭ بارىنا العىس ايتۋىمىز كەرەك» ، - دەدى گۇلشارا ءابدىقالىقوۆا.
وتىرىستا حالىقارالىق، رەسپۋبليكالىق جانە وڭىرلىك دەڭگەيدەگى 500 گە جۋىق ءتۇرلى ءىس- شارالار وتكىزۋ جوسپارلانعان اباي قۇنانباي ۇلىنىڭ 175 جىلدىق مەرەيتويىن دايىنداۋ جانە وتكىزۋ جونىندەگى جالپى رەسپۋبليكالىق جوسپار جوباسى قاراستىرىلدى.
ماسەلەن، نۇر- سۇلتان قالاسىندا حالىقارالىق عىلىمي- تاجىريبەلىك كونفەرەنسيا، پاريج قالاسىنداعى يۋنەسكو- نىڭ شتاب- پاتەرىندە «اباي» كوركەم فيلمىنىڭ ءوندىرىسى مەن شىعارىلىمى، اباي شىعارمالارىنىڭ شەت تىلدەرىنە اۋدارىلۋى مەن جارىققا شىعارىلۋى، سونداي- اق اباي ءۇيى- مۋزەيىنىڭ جان- جاقتى تانىمالدىعىن ارتتىرۋ ءىس- شارالارى، ابايدىڭ «جيدەباي- ءبورىلى» مەملەكەتتىك تاريحي- مادەني جانە ادەبي- مەموريالدىق مۋزەي- قورىعىنا عىلىمي- رەستاۆراتسيالىق جۇمىستار جۇرگىزۋ، ابايدىڭ اكەسى - قۇنانبايدىڭ تۇلعالىق ماڭىزدىلىعى مەن تاريحي- مادەني ءرولىن ارتتىرۋ بويىنشا شارالار قابىلداۋ كوزدەلگەن.
بۇعان قوسا، بۇگىنگى كۇنى الەۋمەتتىك جەلىلەردە ءساتتى ىسكە اسىرىلعان #Abai175 چەللەندجى جاھاندىق فورماتتا جالعاسىن تاباتىن بولادى.
«اباي قۇنانباي ۇلىنىڭ 175 جىلدىق مەرەيتويىن مەرەكەلەۋ حالىقتىڭ تاريحي ساناسىنا ءسىڭىرۋ جانە ەلىمىزدىڭ رۋحاني مادەنيەتىن جاھاندىق فورماتتا ىلگەرىلەتۋگە باعىتتالعان تاۋەلسىز قازاقستاننىڭ جاڭا تاريحىنداعى ماڭىزدى وقيعالاردىڭ ءبىرى» ، - دەپ اتاپ ءوتتى ۆيتسە- پرەمەر.
سوڭىندا ق ر پرەمەر- ءمينيسترىنىڭ ورىنباسارى گۇلشارا ءابدىقالىقوۆا مەملەكەتتىك ورگاندارعا ءبىرقاتار تاپسىرما بەردى.