+7 (701) 759 90 19
-21 °С : نۇر-سۇلتان
-3 °С : الماتى
USD 422.87 EUR 512.1
RUB 5.63 CNY 64.49
جاڭالىقتار

ابايدىڭ 175 جىلدىعى: ۇنەمدەلگەن 1,7 ميلليارد تەڭگە قايدا جۇمسالدى - ءمينيستردىڭ جاۋابى

19 قازان 16:54
:ءبولىسۋ
ابايدىڭ 175 جىلدىعى: ۇنەمدەلگەن 1,7 ميلليارد تەڭگە قايدا جۇمسالدى - ءمينيستردىڭ جاۋابى

نۇر- سۇلتان. قازاقپارات - ابايدىڭ 175 جىلدىعىن تويلاۋعا بولىنگەن، الايدا پاندەمياعا بايلانىستى ۇنەمدەلگەن 1,7 ميلليارد تەڭگە قايدا جۇمسالدى؟

بۇل سۇراققا مادەنيەت جانە سپورت ءمينيسترى اقتوتى رايىمقۇلوۆا جاۋاپ بەردى، دەپ حابارلايدى قازاقپارات ءتىلشىسى.

«شىنىندا دا، ۇنەمدەلگەن قاراجات رەسپۋبليكالىق بيۋدجەتكە قايتارىلدى. سەبەبى كارانتينگە بايلانىستى شارالاردىڭ كوبى قىسقارتىلدى. جىل باسىندا وفلاين شارالاردىڭ ءبىرازى جوسپارلانعان ەدى. ۇنەمدەلگەن قاراجات شىعىس قازاقستاننىڭ ينفراقۇرىلىمىن دامىتۋعا، سەمەيدەگى نەگىزگى مۋزەيدى وركەندەتۋگە، احمەت-ريزا مەشىتىن رەستاۆراتسيالاۋعا، سونداي-اق جيدەباي-ءبورىلى مەملەكەتتىك تاريحي-مادەني جانە ادەبي-مەموريالدىق قورىق-مۋزەيىن دامىتۋعا جۇمسالدى. البەتتە اباي ومىرىنە قاتىستى بارلىق تاريحي ورىنداردى رەستاۆراتسيالاۋ جۇمىسى ۇمىت قالعان جوق. ياعني پرەزيدەنت اتاپ وتكەندەي، بۇل قاراجاتتى باستىسى ينفراقۇرىلىمعا بولدىك. سونداي-اق كىتاپتاردى، ابايدىڭ شىعارمالارىنىڭ 10 تىلدەگى 10 تومدىعىن شىعارۋعا قاراجات ءبولىندى»، - دەدى اقتوتى رايىمقۇلوۆا و ك ق- دا وتكەن باسپا ءسوز ءماسليحاتىندا.

مينيستر سەمەيدەگى ابايدىڭ ۇلدارىمەن بىرگە تۇرعان ەسكەرتكىشىن قالا اكىمدىگى ورناتقانىن جەتكىزدى.

«ەسكەرتكىشكە قانشا كەتكەنىن جەرگىلىكتى اكىمدىك بىلەدى. بۇل - سول جەرگىلىكتى بيلىكتىڭ بولىنگەن قاراجاتىمەن جاسالعان ەسكەرتكىش»، - دەدى ول.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات