اقمولا وبلىسىندا 173 مىڭ قۇسقا ۆاكتسينا سالىندى

كوكشەتاۋ. قازاقپارات - اقمولا وبلىسىندا قۇس تۇماۋىنىڭ تىركەلۋىنە بايلانىستى كۇشەيتىلگەن رەجيمدە الدىن الۋ شارالارى جۇرگىزىلىپ جاتىر، دەپ حابارلايدى قازاقپارات ءتىلشىسى.

قۇس تۇماۋىنا بايلانىستى اقمولانىڭ بەس اۋدانىندا كارانتين جاريالاندى وبلىستىق ۆەتەريناريا باسقارماسىنىڭ مالىمەتىنشە، قىركۇيەكتىڭ 24 نەن باستاپ وبلىستىڭ ەلدى- مەكەندەرىندە ۆاكتسينا سالۋ جۇمىستارى قولعا الىنعان. بۇگىنگى تاڭدا 173,9 مىڭ ءۇي قۇسىنا ەكپە سالىندى. وزىمىزدەگى بار ۆاكتسينا ەسەبىنەن ءىرى قۇس فابريكالارىنداعى 1462 مىڭ قۇسقا ەكپە سالىندى. بۇلاردىڭ قاتارىندا «كاپيتال پروجەكت» ج ش س، «استانا قۇس» ج ش س، «يجيەۆسك» و ك، «بۋراباي اگرو ينۆەست» ج ش س بار. بىرەر كۇندە تاعى ەكى قۇس فابريكاسىنا ۆاكتسينا جەتكىزىلەتىنى كۇتىلۋدە. باسقارما باسشىسى بازارباي بۇلاشيەۆتىڭ ايتۋىنشا، ىندەتكە مونيتورينگ بويىنشا شارالار كۇندەلىكتى باقىلاۋدا.

«قۇس تۇماۋىنىڭ تارالۋىنا جول بەرمەۋ ماقساتىندا ءۇي قۇستارىنىڭ جاباي قۇستارمەن بايلانىسىن بولدىرماۋ ءۇشىن ءوڭىر تۇرعىندارى مەن قۇس شارۋاشىلىقتارىنىڭ باسشىلارىنا ءتۇسىندىرۋ جۇمىستارى جۇرگىزىلۋدە. ۆەتەرينارلىق قىزمەتكەرلەر كۇن سايىن قۇس شارۋاشىلىعى فەرمالارىنا بارىپ، قۇستاردى تەكسەرۋدە. سونىمەن بىرگە، جابايى قۇستار جينالاتىن سۋ قويمالارىندا باقىلاۋ جۇرگىزىلۋدە»، - دەيدى ب. بۇلاشيەۆ.

زەرتتەۋ ناتيجەسىنە سەنسەك، وبلىستىڭ 9 اۋدانىنداعى 11 ەلدى مەكەندە قۇس تۇماۋى انىقتالعان.