USD 429.57 EUR 447.35
RUB 6.94 CNY 63.23
جاڭالىقتار

جاپپاي تارتىپسىزدىك: الماتىدا 170 ۆەلوسيپەد ۇرلاندى

17 قاڭتار 19:45
:ءبولىسۋ
جاپپاي تارتىپسىزدىك: الماتىدا 170 ۆەلوسيپەد ۇرلاندى

الماتى. قازاقپارات - الماتىدا جاپپاي تارتىپسىزدىك كەزىندە جالعا بەرىلگەن 170 ۆەلوسيپەد ۇرلاندى.

بۇل تۋرالى قالالىق موبيلدىلىك باسقارماسىنىڭ باسشىسى عاني مىرزاحانوۆ ءمالىم ەتتى، دەپ حابارلايدى قازاقپارات ءتىلشىسى.

«220 ۆەلوسيپەد پەن 21 Almaty Bike ۆەلوستانتسياسى بۇزىلدى. وعان قوسا 170 ۆەلوسيپەد ۇرلانعان. قازىرگى ۋاقىتتا اقپاراتتىق جۇيەنى قالپىنا كەلتىرۋ جانە تەكسەرۋ جۇمىستارى جۇرگىزىلۋدە. حالىققا قىزمەت كورسەتۋدى جاڭارتۋ 20- قاڭتارعا دەيىن جوسپارلانعان»، - دەدى عاني مىرزاحانوۆ.

ونىڭ ايتۋىنشا، زاقىمدالعان ۆەلوسيپەدتەردى جوندەۋ جانە ۇرلانعان ۆەلوسيپەدتەردى قالپىنا كەلتىرۋ ءۇشىن قوسىمشا 370 ميلليون تەڭگە ءبولۋ ماسەلەسى قارالىپ جاتىر.

بۇعان دەيىن الماتىدا جاپپاي ەرەۋىل كەزىندە 28 اۆتوبۋسقا زاقىم كەلگەنى تۋرالى جازعان بولاتىنبىز. بۇگىندە بارلىق 151 باعىت جانە 1600 بىرلىك جىلجىمالى قۇرام، ونىڭ ىشىندە تروللەيبۋس جانە قالا ماڭىنداعى باعىتتار ىسكە قوسىلدى.

قالالىق مارشرۋتتاردىڭ جۇمىس ءتارتىبى 8.00 دەن 21.00 گە دەيىن، قالا ماڭىنداعى مارشرۋتتاردا 9.00 دەن 21.00 گە دەيىن. سونىمەن قاتار، مەترو جۇمىسى قايتا جانداندى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات