سولتۇستىك قازاقستاندا بىلتىر 170 كە جۋىق ادام ءىز-ءتۇزسىز جوعالدى

None
None
پەتروپاۆل. قازاقپارات - پەتروپاۆل قالاسىندا ۇيىنەن شىعىپ كەتىپ، قايتا ورالماعان ۆيكتور راسكاتوۆتى تۋعان- تۋىستارى مەن ءتارتىپ ساقشىلارى ءۇش ايدان ارتىق ىزدەستىرىپ جاتىر، دەپ حابارلايدى قازاقپارات ءتىلشىسى.

سولتۇستىك قازاقستان وبلىستىق پوليتسيا دەپارتامەنتىنىڭ مالىمەتىنشە، 36 جاستاعى ۆيكتور راسكاتوۆ پەتروپاۆل قالاسىنداعى ۇيىنەن 2019 -جىلعى 30-قىركۇيەكتە شىعىپ كەتىپ، ءىز- ءتۇزسىز جوعالعان. بويى شامامەن 160 س م، ورتا دەنەلى، كوزدەرى جاسىل ءتۇستى، شاشى - سارعىلت- قارا، باسىنىڭ كەي جەرلەرىندە شاشى تۇسكەن، قاستارى سيرەك. ۇستىندە سۇر ءتۇستى تريكوسى، قارا- جاسىل ءتۇستى كۋرتكاسى، قارا باس كيىمى بولعان.

پوليتسەيلەر سونداي-اق ۇيىنەن شىعىپ كەتىپ، قايتىپ ورالماعان باقىت حامزيناعا دا ىزدەۋ جاريالادى. باقىت حامزينا 1971 -جىلى تۋعان. شال اقىن اۋدانىنىڭ جاڭاتالاپ اۋىلىنداعى ۇيىنەن 2019 -جىلعى 18 قاراشادا شىعىپ، بەلگىسىز باعىتقا كەتىپ قالعان. بويى 160 س م ، ورتا دەنەلى، اق شاشتى. ۇستىندە قىزىل كۋرتكاسى، توقىلعان قارا باس كيىمى، سۇر ءتۇستى دجينسى بولعان.

ۆەدومستۆودان ءمالىم ەتكەندەي، بىلتىر وڭىردە بارلىعى 169 ادام جوعالدى. ونىڭ ىشىندە 159 ادام تابىلدى. 111-نىڭ جۇرگەن جەرىن پوليتسيا قىزمەتكەرلەرى سول تاۋلىكتە انىقتادى. 169 جاعدايدىڭ 25 ىندە كامەلەتكە تولماعاندار جوعالعان. ولاردى ىزدەۋگە ەرەكشە كوڭىل بولىنەدى. جاسوسپىرىمدەردىڭ بارلىعى تابىلىپ، ۇيلەرىنە قايتارىلدى.

«وتباسىلارىندا نەمەسە جاقىندارىمەن سوزگە كەلىپ قالىپ، رەنجىسۋ ادامداردىڭ جوعالۋىنا ءجيى سەبەپ بولادى. كەلەسى ءبىر سەبەپ - الكوگول. وتكەن جىلى جوعالىپ كەتكەن 169 ادامنىڭ 75 ى - سپيرتتىك ىشىمدىكتى ءىشۋدى ادەتكە اينالدىرعاندار، ولاردىڭ 26 سى - ايەلدەر. وسىنداي ادامداردى ىزدەۋ كەزىندە كوڭىل كوتەرۋ ورىندارىنا باسا نازار اۋدارىلادى. تاجىريبەدە ادامداردىڭ ءناپاقا تابۋ ءۇشىن تۇرعىلىقتى ورنىن اۋىستىرىپ، باسقا ەلدى مەكەنگە كەتىپ قالۋى دا ءجيى كەزدەسەدى. كەيىن جاقىندارىن، تۋىستارىن ۇمىتىپ، بايلانىسقا شىقپايدى»، - دەيدى س ق و پ د كريمينالدىق پوليتسيا باسقارماسىنىڭ باستىعى پەتر كليموۆ.

جوعالعان ادامدار تۋرالى قانداي- دا ءبىر اقپارات بولعان جاعدايدا «102» ارناسىنا نەمەسە 87152394178، 87078203029 تەلەفوندارى ارقىلى س ق و پ د كريمينالدىق پوليتسيا باسقارماسىنىڭ قىزمەتكەرلەرىنە، 87152394837، 394807، 87472391161، 87079095006 نومىرلەرى ارقىلى پەتروپاۆل ق. پوليتسيا باسقارماسىنا، 871534 20145؛ 500429، 87051603107 تەلەفوندارى ارقىلى شال اقىن اۋدانى پوليتسيا ءبولىمى كريمينالدىق پوليتسيا بولىمشەسىنە حابارلاسۋعا بولادى.

سوڭعى جاڭالىقتار