موڭعولياداعى سۋ تاسقىنىنان 170 وتباسى زارداپ شەكتى
بۇل تۋرالى «قازاقپارات» ح ا ا مونتسامە اگەنتتىگىنە سىلتەمە جاساپ حابارلايدى.
ايماقتىڭ ارنايى كوميسسياسىنىڭ قورىتىندىسىنا سايكەس، كوپتەگەن وتباسىلاردىڭ ۇيلەرى زارداپ شەككەن. قۇتقارۋ جۇمىستارىنا جەتى ۇيىمنىڭ 124 ادامى مەن 24 تەحنيكاسى تارتىلعان. ولاردىڭ اراسىندا پوليتسيا، 340 سارباز جانە ەلەكتر جۇيەسىنىڭ ماماندارى بار.
ولار اپات بولعان جەردە ادامداردى ىزدەۋمەن، عيماراتتاردى قالپىنا كەلتىرۋ جۇمىستارىمەن اينالىسۋدا. قازىرگى ۋاقىتتا 163 ادام قاۋىپسىز ورىندارعا جەتكىزىلدى. 95 ءى اۋدان ورتالىعى ولگەي قالاسىنداعى التىنشى ورتا مەكتەپتىڭ جاتاقحاناسىنا ورنالاستىرىلدى. ادام ءولىمى تىركەلگەن جوق. ەكسپەرتتەردىڭ ايتۋىنشا، ماتەريالدىق شىعىن كوبەيۋى مۇمكىن.
توتەنشە جاعداي جونىندەگى كوميتەت تابيعي اپاتتان كەلگەن شىعىندى انىقتاپ، ءۇيسىز قالعان جاندارعا كومەكتەسەدى. سونداي-اق ولارعا ازىق-تۇلىك جەتكىزۋدى ۇيىمداستىرادى.
ايماقتىڭ مەتەرولوگيا جانە گيدرولوگيا ورتالىعىنىڭ اقپاراتى بويىنشا، جاڭبىر 21- شىلدەگە دەيىن جاۋادى.
ەسكە سالا كەتسەك، بايانولگەي - قازاقتار ەڭ كوپ شوعىرلانعان ايماق.