جايىق وزەنىنەن سالماعى 17,5 كەلى بولاتىن بەكىرەتۇقىمداس بالىق ۇستالدى

اتىراۋ. قازاقپارات - جايىق وزەنىندە سيرەك كەزدەسەتىن شوقىر بالىعى ۇستالدى، دەپ حابارلايدى قازاقپارات.

«قازىرگى تاڭدا جايىق وزەنىندە بالىق قورىن ساقتاۋعا باعىتتالعان شارالار ءجۇرىپ جاتىر. دەگەنمەن بەكىرەتۇقىمداس بالىقتاردى وسىرەتىن ەكى زاۋىت پەن وندىرىستىك كووپەراتيۆ اراسىندا عىلىمي ماقساتتا بالىق اۋلاۋعا بولاتىندىعى جونىندە كەلىسىم جاسالعان. وسى كەلىسىم نەگىزىندە بالىق اۋلاۋ كەزىندە اۋعا سالماعى 17,5 كەلى بولاتىن شوقىر بالىعى ءتۇستى. مۇنداي ۇلكەن بالىق سوڭعى 15 جىل كولەمىندە قولعا تۇسپەگەن. بالىق زاۋىتتاردىڭ بىرىنە جىبەرىلدى»، - دەپ حابارلادى اتىراۋ وبلىستىق ورمان شارۋاشىلىعى جانە جانۋارلار الەمى اۋماقتىق ينسپەكتسياسىنىڭ وكىلدەرى.

اتىراۋ بەكىرەتۇقىمداس بالىق زاۋىتىندا ۇستالعان بالىقتىڭ ۋىلدىرىق شاشاتىن كەزى كەلگەندىگى حابارلاندى. ودان شامامەن 5-6 كەلى ۋىلدىرىق الىنىپ، ۋىلدىرىقتان شامامەن 200 مىڭنىڭ كولەمىندە شاباقتار شىعادى دەپ بولجانىپ وتىر.