قازاقستاندا 17 جىلدا جول اپاتىنان 49 مىڭ ادام قازا تاپقان
بۇل تۋرالى ق ر يندۋستريا جانە ينفراقۇرىلىمدىق دامۋ مينيسترلىگىنىڭ اۆتوموبيل جولدارى كوميتەتىنە قاراستى «جول اكتيۆتەرى ۇلتتىق ساپا ورتالىعى» ر م ك باس ديرەكتورى زامير ساعىنوۆ ايتتى، دەپ حابارلايدى قازاقپارات ءتىلشىسى.
«الەمدە جىل سايىن جول اپاتىنان 1 ميلليون 350 مىڭنان استام ادام قازا تابادى. بۇل كۇن سايىن 3,5 مىڭنان استام ادامنىڭ ومىرىمەن قوش ايتىساتىنىن بىلدىرەدى. بۇعان قوسا، جىل سايىن 25 ميلليون ادام ءتۇرلى دەنە جاراقاتىن الىپ جاتادى»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
ورتالىق باس ديرەكتورىنىڭ مالىمەتىنە قاراعاندا، سوڭعى 17 جىلدىڭ ىشىندە ەلىمىزدە 270 مىڭ جول-كولىك اپاتى ورىن الىپ، سالدارىنان 49 مىڭنان استام ادام كوز جۇمعان. ال ءتۇرلى دارەجەدە دەنە جاراقاتىن العان ادام سانى 300 مىڭنان اسىپ جىعىلادى.
«وكىنىشكە قاراي، جول اپاتىنان قازا تاپقانداردىڭ 50 پايىزى - جاستار»، - دەدى زامير ساعىنوۆ.