ەلوردا مەن 17 وڭىردە ەسكەرتۋ جاريالاندى: 42 گرادۋسقا دەيىن ىستىق

استانا. قازاقپارات - «قازگيدرومەت» ر م ك كۇن رايىنىڭ بۇزىلۋىنا بايلانىستى بىرنەشە وڭىردە ەسكەرتۋ جاريالادى، دەپ حابارلايدى قازاقپارات.

7- ماۋسىمدا استانا قالاسىندا كۇندىز 36-38 گرادۋس ىستىق جانە ءورت تۇتانۋدىڭ جوعارى قاۋپى ساقتالادى.

7 ماۋسىمدا كۇندىز ۇلىتاۋ وبلىسىنىڭ باتىسى مەن سولتۇستىگىندە وڭتۇستىك- شىعىستان سوعاتىن جەل وڭتۇستىك- باتىسقا اۋىسىپ، ەكپىنى 18 م/س قۇرايدى. كۇندىز وبلىستىڭ باسىم بولىگىندە 35-39 گرادۋس قاتتى ىستىق ساقتالادى. ءوڭىردىڭ ورتالىق اۋماعىندا ءورت تۇتانۋدىڭ جوعارى قاۋپى بار.

7 -ماۋسىمدا كۇندىز اتىراۋ وبلىسىنىڭ شىعىسىندا شاڭدى داۋىل كۇتىلەدى. سولتۇستىك- باتىستان، سولتۇستىكتەن جەل سوعادى، ءوڭىردىڭ سولتۇستىگىندە، شىعىسى مەن وڭتۇستىگىندە ەكپىنى 15-20 م/س قۇرايدى. وبلىستىڭ سولتۇستىگى مەن وڭتۇستىگىندە توتەنشە ءورت قاۋپى ساقتالادى.

7 -ماۋسىمدا قاراعاندى وبلىسىنىڭ سولتۇستىگى مەن شىعىسىندا نايزاعاي ويناپ، كۇندىز وبلىستىڭ شىعىسىندا 18 م/س ەكپىندە جەل سوعادى. كۇندىز ءوڭىردىڭ باسىم بولىگىندە 35-38 گرادۋس قاتتى ىستىق جانە ءورت تۇتانۋدىڭ جوعارى قاۋپى ساقتالادى.

7 -ماۋسىمدا كۇندىز اقمولا وبلىسىنىڭ باتىسىندا، سولتۇستىگى مەن شىعىسىندا نايزاعاي ويناپ، كۇندىز 15-20 م/س كۇشپەن جەل سوعادى. كۇندىز 35-39 گرادۋس قاتتى ىستىق جانە توتەنشە ءورت قاۋپى ساقتالادى.

7 -ماۋسىمداشىعىس قازاقستان وبلىسىنىڭ وسكەمەن قالاسىندا كۇندىز 36-38 گرادۋس قاتتى ىستىق بولادى.

7 -ماۋسىم كۇنى باتىس قازاقستان وبلىسىنداسولتۇستىك- باتىستان جەل سوعادى، ءوڭىردىڭ وڭتۇستىگى مەن شىعىسىندا ەكپىنى 15-20 م/س قۇرايدى.

7 -ماۋسىمدا تاڭەرتەڭ قىزىلوردا وبلىسىنىڭ سولتۇستىگىندە نايزاعاي كۇتىلەدى. جەل سولتۇستىك- باتىستان سوعادى، كۇندىز وبلىستىڭ سولتۇستىگىندە، ورتالىعىندا ەكپىنى 15-20 م/س قۇرايدى. كۇندىز 42 گرادۋس قاتتى ىستىق بولادى. ءورت تۇتانۋدىڭ جوعارى قاۋپى ساقتالادى.

7- ماۋسىمدا كۇندىز تۇركىستان وبلىسىنىڭ سولتۇستىگىندە وڭتۇستىك- باتىستان جەل سوعادى، كۇشى 15-20 م/س قۇرايدى. ءوڭىردىڭ باسىم بولىگىندە كۇندىز 40- 42 گرادۋس قاتتى ىستىق جانە توتەنشە ءورت قاۋپى ساقتالادى.

7 -ماۋسىمدا شىمكەنت قالاسىندا توتەنشە ءورت قاۋپى كۇتىلەدى.

7 -ماۋسىمدا كۇندىز پاۆلودار وبلىسىنىڭ باتىسى مەن وڭتۇستىگىندە نايزاعاي ويناپ، ەكپىنى 15-20 م/س قۇرايتىن جەل تۇرادى. ءوڭىردىڭ باسىم بولىگىندە 35-39 گرادۋس قاتتى ىستىق جانە توتەنشە ءورت قاۋپى ساقتالادى.

7 -ماۋسىمدا ماڭعىستاۋ وبلىسىنىڭ باتىسى مەن وڭتۇستىگىندە نايزاعاي، بۇرشاق بولجانادى. سولتۇستىك- باتىستان جەل سوعادى، وبلىستىڭ سولتۇستىگىندە كۇشى 15-20 م/س قۇرايدى.

7 -ماۋسىمدا كۇندىز سولتۇستىك قازاقستان وبلىسىنىڭ سولتۇستىگىندە، باتىسى مەن وڭتۇستىگىندە نايزاعاي ويناپ، 15-20 م/س ەكپىندە جەل سوعادى. كۇندىز وبلىستىڭ باسىم بولىگىندە 35-39 گرادۋس قاتتى ىستىق جانە توتەنشە ءورت قاۋپى ساقتالادى.

7 -ماۋسىمدا كۇندىز قوستاناي وبلىسىنىڭ سولتۇستىگىندە قاتتى جاڭبىر جاۋادى. ءوڭىردىڭ سولتۇستىك بولىگىندە نايزاعاي ويناپ، بۇرشاق تۇسەدى. 15-20 م/س ەكپىنمەن جەل سوعىپ، 37 گرادۋس قاتتى ىستىق ساقتالادى. وبلىستىڭ باسىم بولىگىندە ءورت تۇتانۋدىڭ جوعارى ءقاۋپى ساقتالادى.

7-9 -ماۋسىم ارالىعىندا الماتى وبلىسىنىڭ وڭتۇستىگى مەن تاۋلى اۋداندارىندا نايزاعاي بولجانادى. وڭتۇستىك- باتىستان جەل سوعادى، نايزاعاي كەزىندە ەكپىنى 15-20 م/س قۇرايدى. كۇندىز وبلىستىڭ باسىم بولىگىندە 35-38 گرادۋس قاتتى ىستىق بولادى. ءوڭىردىڭ وڭتۇستىك بولىگىندە جوعارى ءورت قاۋپى كۇتىلەدى.

7-9- ماۋسىم ارالىعىندا كۇندىز الماتى قالاسىندا 35-37 گرادۋس قاتتى ىستىق جانە جوعارى ءورت قاۋپى كۇتىلەدى.

7 ماۋسىمدا كۇندىز جەتىسۋ وبلىسىنىڭ وڭتۇستىگى مەن تاۋلى اۋداندارىندا نايزاعاي ويناپ، 15-20 م/س ەكپىندە جەل سوعادى. ءوڭىردىڭ باسىم بولىگىندە 35-38 گرادۋس قاتتى ىستىق، توتەنشە ءورت قاۋپى ساقتالادى.

7- ماۋسىمدا تۇندە اقتوبە وبلىسىنىڭ سولتۇستىگىندە، كۇندىز شىعىسىندا نايزاعاي ويناپ، نايزاعاي كەزىندە 15-20 م/س ەكپىندە جەل تۇرادى. كۇندىز 35-37 گرادۋس قاتتى ىستىق جانە توتەنشە ءورت قاۋپى ساقتالادى.

8 -ماۋسىمدا كۇندىز پاۆلودار وبلىسىنىڭ سولتۇستىك- باتىسىندا، اباي، شىعىس قازاقستان وبلىستارىنىڭ وڭتۇستىك- شىعىسىندا 41 گرادۋس وتە قاتتى ىستىق ساقتالادى. ءورت تۇتانۋ قاۋپى جوعارى.

8-10 -ماۋسىم ارالىعىندا كۇندىز الماتى وبلىسىنىڭ سولتۇستىگى مەن ورتالىعىندا، جەتىسۋ وبلىسىنىڭ وڭتۇستىگىندە 41 گرادۋس وتە قاتتى ىستىق كۇتىلەدى. ءورت تۇتانۋ قاۋپى جوعارى.