+7 (701) 759 90 19
USD 436.29 EUR 492.83
RUB 5.92 CNY 68.48
جاڭالىقتار

ەلوردادا پوليتسياعا پارا بەرمەك بولعاندارعا قاتىستى 16 قىلمىستىق ءىس تىركەلدى

25 قاراشا 21:15
:ءبولىسۋ
ەلوردادا پوليتسياعا پارا بەرمەك بولعاندارعا قاتىستى 16 قىلمىستىق ءىس تىركەلدى

نۇر-سۇلتان. قازاقپارات - ەلوردادا جىل باسىنان بەرى پوليتسيا قىزمەتكەرىنە پارا بەرمەك بولعاندارعا قاتىستى 16 قىلمىستىق ءىس تىركەلدى.

بۇل جايىندا نۇر-سۇلتان قالالىق پوليتسيا دەپارتامەنتىنەن ءمالىم ەتتى، دەپ حابارلايدى قازاقپارات ءتىلشىسى.

«ەلوردالىق پوليتسيا قىزمەتكەرلەرى سىبايلاس جەمقورلىقتىڭ الدىن الۋعا، سونداي-اق مۇنداي فاكتىلەردى انىقتاۋ جانە جولىن كەسۋگە باعىتتالعان تۇراقتى تۇردە ءىس-شارالار وتكىزەدى. جىل باسىنان بەرى نۇر-سۇلتان قالالىق پوليتسيا دەپارتامەنتى پارا بەرۋشىلەرگە قاتىستى 16 قىلمىستىق ءىستى تىركەپ، سوتقا جولدادى. 2 قۇقىق بۇزۋشىعا قاتىستى اكىمشىلىك ماتەريال تولتىرىلدى. ماسەلەن، قىلمىستىق تەرگەۋدى توقتاتۋ ءۇشىن 100 مىڭ تەڭگە كولەمىندە پارا بەرگەنى ءۇشىن ەلوردانىڭ 40 جاستاعى تۇرعىنى ۇستالدى»، - دەپ اتاپ وتەدى دەپارتامەنتتەن.

سونداي-اق ۆەدومستۆو مالىمەتىنشە، پاترۋلدىك پوليتسيا پولكىنىڭ ەكيپاجى قالا كوشەلەرىن شولعىنداۋ كەزىندە «Mazda 323» ماركالى اۆتوكولىكتى توقتاتادى. ال اتالعان كولىكتىڭ جۇرگىزۋشىسى تەحنيكالىق بايقاۋدان وتپەگەنى ءۇشىن اكىمشىلىك حاتتاما تولتىرتپاۋ ماقساتىندا پارا بەرۋگە تىرىسقان.

جول ەرەجەسىن بۇزعان «Toyota» ماركالى اۆتوكولىكتىڭ جۇرگىزۋشىسى دە ءدال وسىنداي جولمەن اكىمشىلىك جاۋاپكەرشىلىكتەن جالتارۋعا ارەكەت جاساعان. ءبىراق، پوليتسيا قىزمەتكەرلەرى اتالعان فاكتىلەردىڭ جولىن كەسىپ، زاڭعا قايشى ارەكەتتەر قىزمەتتىك بەينەتىركەگىشكە جازىپ العان.

وسىعان وراي نۇر-سۇلتان قالالىق پوليتسيا دەپارتامەنتى پارا بەرگەنى ءۇشىن ايىپپۇل نەمەسە 15 جىلعا دەيىنگى مەرزىمگە باس بوستاندىعىنان ايىرۋ تۇرىندە قىلمىستىق جاۋاپكەرشىلىك قاراستىرىلعانىن ەسكە سالادى.

ال پوليتسيا قىزمەتكەرلەرى تاراپىنان زاڭسىز ارەكەتتەرگە تاپ بولساڭىز نەمەسە سىبايلاس جەمقورلىق قۇقىق بۇزۋشىلىقتىڭ كۋاسى بولساڭىز، وندا «1402» ءبىرىڭعاي سەنىم تەلەفونىنا حابارلاسا الاسىز.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات