+7 (701) 759 90 19
USD 425.78 EUR 494.08
RUB 5.98 CNY 66.23
جاڭالىقتار

16-قىركۇيەك. قازاقپارات كۇنتىزبەسى

16 قىركۇيەك 09:47
:ءبولىسۋ
16-قىركۇيەك. قازاقپارات كۇنتىزبەسى

نۇر- سۇلتان. قازاقپارات - قازاقپارات وقىرماندارىنا 2021 -جىلعى 16-قىركۇيەككە ارنالعان كۇنتىزبەسىن ۇسىنادى.

اتاۋلى كۇندەر

حالىقارالىق وزون قاباتىن قورعاۋ كۇنى

1987 -جىلى وزون قاباتىن بۇزاتىن زاتتار تۋرالى مونرەال حاتتاماسىنا قول قويىلدى. سول كۇننىڭ قۇرمەتىنە ب ۇ ۇ باس اسسامبلەياسىنىڭ شەشىمىمەن 1995 -جىلدان باستاپ اتاپ وتىلەدى.

ەستە قالار وقيعالار

1944 -جىلى اقتوبە وبلىستىق فيلارمونياسى قۇرىلدى. وعان 1997 -جىلى بەلگىلى قازاق سازگەرى عازيزا جۇبانوۆانىڭ ەسىمى بەرىلدى. 1976 -جىلى ءا. قاستەيەۆ اتىنداعى مەملەكەتتىك ونەر مۇراجايى اشىلدى.

ەكسپوناتتاردىڭ باسىم بولىگىن قازاقستاننىڭ بەينەلەۋ جانە قولدانبا ونەر تۋىندىلارى قۇرايدى. باتىس ەۋروپا كوللەكتسياسىندا XVI- XIX عاسىرلاردا ءومىر ءسۇرىپ، شىعارماشىلىقپەن اينالىسقان يتاليا، فرانتسيا، گوللانديا، فلاندريا، گەرمانيا، انگليا جانە اۋستريا سۋرەتشىلەرىنىڭ ءتۇپنۇسقا شىعارمالارى جينالعان.

1992 -جىلى قازاقستان مەن بەلارۋس رەسپۋبليكاسى اراسىندا ديپلوماتيالىق قارىم- قاتىناس ورناتىلدى. 2000 -جىلى اتىراۋدا مىسىر بيلەۋشىسى بولعان بەيبارىس سۇلتاننىڭ 775 -جىلدىق مەرەيتويىنا ارنالعان حالىقارالىق عىلىمي- تاجىريبەلىك كونفەرەنتسيا ءوتتى. كونفەرەنتسياعا اراب ەلدەرىنىڭ عالىمدارى قاتىستى. سونىمەن قاتار قازاق تىلىنە اۋدارىلعان «ءاز- زاحير بەيبارىس ءومىربايانى» اتتى كىتاپتىڭ تۇساۋكەسەرى بولىپ، اتىراۋ وبلىستىق قازاق دراما تەاترى جازۋشى ر. وتاربايەۆتىڭ «بەيبارىس» اتتى پەساسىن ساحنالادى.

شەجىرە بويىنشا بەيبارىستىڭ اتامەكەنى - كاسپيي تەڭىزىنىڭ ماڭى، ءبىر دەرەكتەردە - ەدىل- جايىق بويى. كىشى جۇزدەگى باي ۇلىنىڭ بەرىش رۋىنان دەگەن مالىمەت بار.

2005 -جىلى تۇركيانىڭ يزمير قالاسىندا قازاقستان رەسپۋبليكاسىنىڭ قۇرمەتتى كونسۋلدىعىنىڭ سالتاناتتى اشىلۋ ءراسىمى ءوتتى. سالتاناتتى شاراعا يزمير پروۆينتسياسىنىڭ گۋبەرناتورى وعىز قاعان كوكسال، وسى قالاداعى قۇرمەتتى كونسۋلدىقتاردىڭ باسشىلارى، ىسكەر توپ وكىلدەرى، قازاق دياسپوراسى مەن بۇقارالىق اقپارات قۇرالدارى وكىلدەرى قاتىستى.

2006 -جىلى الماتى وبلىسى قاراساي اۋدانىندا ناۋرىزباي باتىرعا ەسكەرتكىش اشىلدى. ەسكەرتكىش اۆتورى - نۇرلان دالباي.

2007 -جىلى قازاقستان ۆەنادا اتوم ەنەرگەتيكاسىنداعى جاھاندىق سەرىكتەستىككە قوسىلدى. ونىڭ بارىسىندا قازاقستان قاعيدالار حاتتاماسىنا قول قويدى جانە وسىناۋ ۇدەرىسكە تولىققاندى مۇشە اتاندى. جينالعانداردىڭ الدىندا سويلەگەن ماگاتە باس ديرەكتورى موحاممەد ءال- بارادەي، اتوم ەنەرگەتيكاسى دامۋىنىڭ بولجانۋىنا بايلانىستى وسىناۋ باستامانىڭ وزەكتىلىگىن اتاپ ءوتتى.

2010 -جىلى تۇركىتىلدەس مەملەكەتتەر باسشىلارىنىڭ ح سامميتىندە ەكونوميكالىق جانە ساۋدا بايلانىستارىن كەڭەيتۋگە باعىتتالعان تۇركى ىسكەرلىك كەڭەسىن قۇرۋ تۋرالى شەشىم قابىلداندى. تۇركى مادەنيەتىن ساقتاۋدى قامتاماسىز ەتۋ ماقساتىندا باكۋدە ارنايى قور قۇرىلىپ، تۇرىكسوي استانانى 2012 -جىلعى تۇركى الەمىنىڭ استاناسى دەپ جاريالادى.

2014 -جىلى الماتىدا ح ەۋرازيا كينوفەستيۆالى اشىلدى. فەستيۆال قازاق رەجيسسەرى شاكەن ايمانوۆتىڭ 100 -جىلدىعىنا ارنالدى. باعدارلاما اياسىندا «جامبىل» ، ء«بىزدىڭ سۇيىكتى دارىگەر»، «تاقيالى پەرىشتە»، «اتاماننىڭ اقىرى» فيلمدەرى تەگىن كورسەتىلدى.

2017 -جىلى قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ وزبەكستاننىڭ «ەل- يۋرت حۋرماتي» («ەل- جۇرت قۇرمەتى» ) وردەنىمەن ماراپاتتالدى.

2017 -جىلى بالقاش قالاسى 80 جىلدىق مەرەيتويىن اتاپ ءوتتى. بۇل قاراعاندى وبلىسى ءۇشىن عانا ەمەس، بۇكىل قازاقستان ءۇشىن ماڭىزدى وقيعا. بۇگىندە بالقاش - قاراعاندى وبلىسىنداعى ينفراقۇرىلىمى دامىعان، تۇرعىن ءۇي- كوممۋنالدىق شارۋاشىلىق كاسىپورىندار جەلىسى، مادەنيەت، دەنساۋلىق، ءبىلىم بەرۋ نىساندارى بار زاماناۋي ونەركاسىپ ورتالىعى. مۇندا شاعىن جىنە ورتا بيزنەس نىعايىپ، دامىپ كەلەدى. تۋريستىك كلاستەر دامۋىنىڭ جاڭا قارقىنىن الۋدا. كوشەلەرى جاقسارىپ، جاڭا ۇيلەر سالىنۋدا، الەۋمەتتىك سالانىڭ جاڭا نىساندارى بوي كوتەرىپ وتىر.

2019 -جىلى الماتىداعى «قازاقفيلم» كينوستۋدياسىنىڭ اۋماعىندا اتى اڭىزعا اينالعان رەجيسسەر سەرگەي ەيزەنشتەيننىڭ تاسپاسى، قازاق كينەماتوگرافىنىڭ كلاسسيگى ش. ايمانوۆتىڭ جەكە زاتتارى مەن كوللەكتسيالارى، ءتۇپنۇسقا ستسەناريلەر، كينوفيلم كەيىپكەرلەرىنىڭ كوستيۋمدەرى جانە تاعى باسقا باعالى ارحيۆتىك ەكسپوناتتار ساقتالعان ش. ايمانوۆ اتىنداعى مۇراجاي اشىلدى. مۇراجايدىڭ ەرەكشە ماقتانىشى - شاكەن كەنجەتاي ۇلى ايمانوۆتىڭ قالپىنا كەلتىرىلگەن كابينەتى.

2019 -جىلى ماڭعىستاۋ وبلىسىنىڭ تۇشىبەك كەنتىنىڭ ماڭىندا تابىلعان ۇزىندىعى توعىز مەتر يحتيوزاۆردىڭ قاڭقاسى پرەپاراتسيا جاساۋ اياقتالعان سوڭ اقتاۋ قالاسىنىڭ ولكەتانۋ مۇراجايىنا تابىستالدى.

2019 -جىلدىڭ 25-مامىرىندا اۋەسقوي پالەونتولوگ ۆلاديمير يارتسيەۆ كەزەكتى ساپارى كەزىندە بۇدان 110-100 ميلليون جىل بۇرىن تىرشىلىك ەتكەن يحتيوزاۆردىڭ قاڭقاسىنا ۇقساس سۇيەكتەردى انىقتاعان.

2020 -جىلى قاراعاندىدا «ۇلى اباي جولىمەن: رۋحاني ساياحات» اتتى ەسكپەديتسيا باستالدى. ەكسپەديتسيا مۇشەلەرى قازاقتىڭ ۇلى اقىنى دۇنيەگە كەلگەن، ءومىر سۇرگەن جانە شىعارماشىلىقپەن اينالىسقان جەرلەرگە ساپار جاساۋدى جوسپارلاعان. كەرۋەن ءتورت كۇن بويى قاراعاندى - قارقارالى - قاراعايلى - قاينار - سارجال - قاراتال - جيدەباي - اقشوقى - ەڭلىك- كەبەك ۇڭگىرى - م. اۋەزوۆتىڭ ءبورىلى اۋىلىنداعى مۇراجاي ءۇيى - سەمەي قالاسىنداعى اباي مۇراجايى - ەگىندىبۇلاق - ۇشقارا - قاراعاندى باعدارىمەن مىڭداعان شاقىرىم جول ءوتتى.

2020 -جىلى ءال- فارابي اتىنداعى قازاق ۇلتتىق ۋنيۆەرسيتەتى يسلام قارجىسى سالاسىندا ءبىلىم بەرۋدەگى جەتىستىكتەرى مەن قوسقان ۇلەسى ءۇشىن «Global Islamic Finance Awards 2020» (GIFA) بەدەلدى حالىقارالىق سىيلىعىن يەلەندى. قازاقستاننىڭ جەتەكشى جوعارى وقۋ ورنى «Best Emerging Islamic Finance Education Provider» («يسلامي قارجىلاندىرۋ بويىنشا ءبىلىم بەرۋ قىزمەتىنىڭ ۇزدىك دامۋشى پروۆايدەرى») نوميناتسياسىندا ۇزدىك بولدى. سىيلىقتى تابىستاۋ ءراسىمى پاكىستاننىڭ يسلاماباد قالاسىندا ءوتتى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات