بۇحارادا ىرگەسى 16- عاسىردا قالانعان مەدرەسەنىڭ قابىرعاسى قۇلادى
بۇقارا وبلىسى اكىمدىگى باسپا ءسوز قىزمەتىنىڭ حابارلاۋىنشا، بۇعان كوپجىلدىق تەحنوگەندىك پروتسەستەر (ىستىق جانە سۋىق كليمات، جاۋىن- شاشىن مەن جەر استى سۋلارىنىڭ كوتەرىلۋى) سەبەپ بولعان.
وسى جاعدايعا وراي مادەني مۇرا اگەنتتىگىنىڭ وبلىستىق دەپارتامەنتى، بۇحارا قالاسى اكىمشىلىگى، رەستاۆراتورلار مەن مامانداردان تۇراتىن جۇمىس توبى قۇرىلىپ، جەرگىلىكتى جەردە زەرتتەۋ جۇرگىزىلگەن. ونىڭ نەگىزىندە ابدۋللاحان مەدرەسەسىنىڭ ارتقى قابىرعاسىنىڭ قۇلاعان بولىگىن بەلگىلەنگەن تارتىپتە قالپىنا كەلتىرۋ جانە قاجەتتى جۇمىستاردى ۇيىمداستىرۋ ىستەرى باستالدى.
«بۇل رەتتە عالىمدار، رەستاۆراتورلار مەن بىلىكتى ماماندار بۇحاراداعى تەحنوگەندىك پروتسەستەردىڭ اسەرىنەن ەروزياعا جانە قۇلاۋعا بەيىم 40 مادەني مۇرا وبەكتىلەرىنىڭ ساقتالۋىن زەرتتەپ، قورتىندى بويىنشا ۇكىمەتكە ناقتى ۇسىنىستار جىبەرىلدى»، دەلىنگەن حابارلامادا.
سونىمەن قاتار، وسى جاعداي بويىنشا پروكۋراتۋرا تەرگەۋ جۇمىستارىن باستادى.